Internacia Sekureca Identiga Numero: Identigo de valorpapero
La Internacia Sekureca Identiga Numero - angle International Securities Identification Number (ISIN) - estas 12-karaktra kombinaĵo el literoj kaj ciferoj kaj celas klaran identigon de valorpapero aĉetata kaj vendata en borso(j).
La konsisto de la kodo difiniĝas en la ISO-normo 6166.
| Internacia Sekureca Identiga Numero | |
|---|---|
| unika identigilo vd | |
| Dum | nekonata - nekonata/nuntempe |
Fono
Kadre de la internacia normigo de la financaj merkatoj en 2000 fiksiĝis la decido enkonduki tutmonde validan norman kodon por valorpaperoj. Valorpaperoj kun ISIN-kodo povas esti ekzemple akcioj aŭ opcioj. Ne ĉiuj produktoj komercataj en borsoj ricevis ISIN-kodon, ekzemple por var-dato-komercoj uziĝas aliaj produktaj identigiloj.
La ISIN-kodo klare identigas valorpaperon, sed ne klare precizigas la komercon kun tiu valorpapero. Ekzemple la akcioj de la germana kemia konzerno Bayer (ISIN DE0005752000) komercatas en dek kvin diversaj borsoj en kvar diversaj valutoj. Per kombino de la Merkata Identika Kodo (angle Market Identifier Code, mallonge MIC) laŭ ISO-normo 10383 kaj la ISIN-kodo eblas identigi la lokon de la valorpapera komerco.
La ISIN-kodoj iom post iom tutmonde enkondukiĝas. Laŭ la stato de 2009 plimulto de la mondaj ŝtatoj enkondukis ĝin kiel unu el pluraj ebloj por la identigo de valorpaperoj, sed nur malmultaj konsideras ĝin la unuaranga aŭ entute nura ebleco de identigo.
La aplikon de la ISO-6166-standardo kontrolas la "Asocio de Naciaj Numerigaj Agentejoj" - angle Association of National Numbering Agencies (ANNA) -, la tegmenta organizaĵo de ĉiuj naciaj agentejoj pri la administro de valorpaperaj numeroj.
Konsisto de la ISIN-kodo
| konsisto de la ISIN-kodo | ||||||||||||
|---|---|---|---|---|---|---|---|---|---|---|---|---|
| 1 | 2 | 3 | 4 | 5 | 6 | 7 | 8 | 9 | 10 | 11 | 12 | |
| lando- kodo | NSIN | kontrol- cifero | ||||||||||
La ISIN-kodo laŭ la ISO-normo 6166 strukturiĝas tiel: du literoj kiel landokodo, poste naŭcifera nacia sekureca identiga numero (NSIN, angle National Securities Identifying Number), kaj fine kontrolcifero. La landokodo estas la dulitera kodo laŭ la ISO-normo 3166-1 de la lando kiu difinis la ISIN-kodon por la valorpapero. Tiu povas diferenciĝi de la lando, en kiu situas la centra sidejo de la kompanio eldonanta la valorpaperon. Apartaĵo estas la mallongigo "XS" por internaciaj valorpaperoj konservitaj en la valorpaperaj konservejoj Clearstream aŭ Euroclear.
Eksteraj ligiloj
This article uses material from the Wikipedia Esperanto article Internacia Sekureca Identiga Numero, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.