Honora Patrona Komitato De Uea
La Honora Patrona Komitato de Universala Esperanto-Asocio konsistas el lingvistoj, sciencistoj kaj aliaj eminentaj personoj, kiuj faris gravajn servojn al la Esperanto-movado kaj mem parolas la internacian lingvon.
La Honoran Patronan Komitaton konsistigas aktuale:
- S-ro Vytenis Andriukaitis - litova medicinisto, politikisto, parlamentano, de 2014 ĝis 2019 Komisionano de Eŭropa Unio pri Sano kaj Nutraĵa Sekureco
- S-ro Ulrich Brandenburg – iama ambasadoro de Germanio en Rusio kaj Portugalio
- Prof. Chang Choong-sik – doktoro pri historio, eksprezidanto de Universitato Dankook
- S-ro Harald Helfgott - matematikisto, profesoro ĉe la Universitato de Göttingen, Germanio
- Prof. Marco Lucchesi - brazila verkisto, profesoro de Federacia Universitato de Rio-de-Ĵanejro, plurjara prezidanto de Brazila Beletristika Akademio
- S-ro Giorgio Novello - ambasadoro de Italio ĉe la registaroj de Norvegio kaj Islando
- S-ino Judit Polgár - profesia ŝakludisto, senkompare la plej sukcesa virino sur tiu kampo en la historio
- Prof. Humphrey Tonkin – eksprezidanto kaj universitata profesoro pri humanistiko, Universitato de Hartford
- S-ro Giuliano Turone - itala juristo, eksa juĝisto de la Supera Apelacia Tribunalo
- Prof. John Wells – profesoro pri fonetiko en la Universitata Kolegio Londono
Iamaj membroj
En la Honora Patrona Komitato membris interalie:
- Paul Ariste – estona lingvisto
- Bakin (Ba Jin) – vicprezidanto de Ĉina Popola Politika Interkonsiliĝa Konferenco, prezidanto de Ĉina Verkista Asocio
- Prof. Dalibor Brozovič – membro de la Kroatia kaj Makedonia Akademioj de Sciencoj, redakciano de "Tutslava lingva atlaso" kaj "Eŭropa lingva atlaso"
- Prof. Chen Yuan – direktoro de la Instituto pri Aplikata Lingvistiko en la Ĉina Akademio de Sociaj Sciencoj, vicministro en la ŝtata Komisiono pri Lingvo
- Willem Drees – iama ĉefministro de Nederlando
- Harry Harrison – mondkonata sciencfikcia aŭtoro, eksprezidanto de World SF, internacia organizo de sciencfikciaj verkistoj kaj redaktoroj
- Miguel Sancho Izquierdo (1890–1988) - profesoro pri filozofio de juro, rektoro de la Universitato de Zaragoza
- Prof. Lionel Elvin – eksdirektoro de la Eduka Departemento de Unesko, direktoro de la Instituto pri Edukado en la Londona Universitato
- Prof. Reinhard Selten – profesoro en la Universitato de Bonn, laŭreato de la Nobel-premio pri ekonomiko
- D-ro Umesao Tadao – emerita profesoro de la Universitato de Kioto kaj multjara direktoro de la Nacia Muzeo pri Etnologio de Japanio
- Kep Enderby – iama ministro pri justico de Aŭstralio
Vidu ankaŭ
Eksteraj ligiloj
This article uses material from the Wikipedia Esperanto article Honora Patrona Komitato de UEA, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.