Dima Ŝevĉenko: ĵurnalisto, eldonisto kaj esperantisto de Rusio
Dima ŜEVĈENKO (cirile Дима Шевченко, naskita en 1985, pasporte Dmitrij Ŝevĉenko, sed en Esperanto li preferas la pli koncizan variaĵon de la persona nomo) estas esperantisto kaj eldonisto de Rusio.
Li estas filo de la esperantista paro Elena kaj Aleksandr Ŝevĉenko, kiuj en 1992 kun Dmitrij Perevalov en Moskvo fondis la esperantistan eldonejon "Impeto", kiu publikigas librojn en Esperanto kaj pri Esperanto en la rusa. Post la forpaso de la fondintoj (Aleksandr en 2012 kaj Elena en 2015), Dima kun sia esperantista edzino Anna Striganova sukcese plugvidas la eldonejon. Per tiu okupo ili lernis multe pri tekstoredaktado kaj enpaĝigo, same kiel pri la interesoj kaj preferoj de la Esperanta libromerkato. Ambaŭ geedzoj aktivas en la moskva Esperanto-movado, kie ili organizis plurajn popularajn aranĝojn. Ili kunlaboras ankaŭ pri instruado de Esperanto en diversaj medioj. En aprilo 2017 la paro Dima Ŝevĉenko kaj Anna Striganova deklariĝis nova ĉefredaktista duopo de la revuo Esperanto - unuafoje en la historio de la revuo estas samtempe du ĉefredaktoroj.
| Dima Ŝevĉenko | |
|---|---|
 | |
| Persona informo | |
| Naskiĝo | 1-an de junio 1985 (38-jaraĝa) |
| Lingvoj | Esperanto • rusa |
| Ŝtataneco | Rusio |
| Familio | |
| Patro | Aleksandr Ŝevĉenko |
| Patrino | Elena Ŝevĉenko |
| Edz(in)o | Anna Striganova |
| Okupo | |
| Okupo | esperantisto • ĵurnalisto • eldonejo |
| Esperanto | |
| Denaska esperantisto | Jes |
Parttempe li laboras ĉe la prestiĝa Rusia Universitato de Amikeco inter la Popoloj en Moskvo, kie li studis ĵurnalismon ĝis nivelo de magistriĝo kaj poste preparis doktoran disertacion por defendo. Liaj diplomverkoj ĉiam rilatas al Esperanto kaj ĝia loko en la mondo de amaskomunikiloj. Interreto grave rolas en lia nuntempa laboro, ĉu en praktika laboro pri la retejo de la Filologia Fakultato, ĉu kiel instrutemo kaj esplorobjekto. Kvinjara laboro ĉe la rethotela kompanio “masterhost” donis al Dima multajn teknikajn konojn pri tiu kampo.
Ekde la Kovim-pandemia epoko li regule organizas virtuale sabatajn trinkvesperojn, per eventaservo.org
Eksteraj ligiloj
- retejo de la eldonejo "Impeto" (esperante)
- retejo de la revuo Esperanto (esperante)
- gazetara komuniko de UEA el februaro 2017 pri nomumo de la du novaj ĉefredaktoroj (esperante)
- unua numero de la revuo je redaktado de D. Ŝevĉenko kaj A. Striganova en aprilo 2017, komplete rete legebla (en formato PDF, esperante)
- Mikaelo Bronŝtejn intervjuas Dima Ŝevĉenko, jutuba filmeto aperinta en junio 2022 esperante
This article uses material from the Wikipedia Esperanto article Dima Ŝevĉenko, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.