Dartmouth: Urbeto kaj civila paroĥo en Anglio
Dartmouth (prononcata per sistemo IFA ˈdɑːrtməθ) estas urbeto kaj civila paroĥo en Anglio.
Ĝi situas en la regiono Sudokcidenta Anglio kaj la historia graflando Devono, kaj krome administre apartenas al la distrikto South Hams. Laŭ la censo de 2021, la civila paroĥo havis 5 259 loĝantojn sur areo de 7,82 kvadrataj kilometroj, kio rezultigas loĝdenson de 6,71 loĝantoj/km².
| Dartmouth | |||||
|---|---|---|---|---|---|
| urbeto kaj civila paroĥo | |||||
 | |||||
| urbeto • civila paroĥo | |||||
| Administrado | |||||
| Ŝtato |  Britio | ||||
| Lando |  Anglio | ||||
| Regiono | Sudokcidenta | ||||
| Graflando | Devono | ||||
| Distrikto | South Hams | ||||
| |||||
| Poŝtkodo | TQ6 | ||||
| En TTT | Oficiala retejo [+] | ||||
| Demografio | |||||
| Loĝantaro | 5 259 (paroĥo, en 2021) | ||||
| Geografio | |||||
| Geografia situo | , 3° 35′ U 50.350277777778-3.578611111111150° 21′ N, 3° 35′ U [+] | ||||
| Horzono | UTC±00:00 [+] | ||||
| |||||
| Alia projekto | |||||
 Vikimedia Komunejo Dartmouth, Devon [+] | |||||
Kvankam ĝi hodiaŭ estas nur malgranda urbeto, Dartmouth en la historio de Anglio havis gravan strategian gravecon kiel haveno por grandaj velŝipoj: de ĉi tie la ŝipoj ekiris por la krucmilitoj de 1147 kaj 1190. Krome, Dartmouth estis urbo de reĝa mararmea bazo ekde la tempo de Eduardo la 3-a de Anglio. Post kiam la havenurbo estis dufoje konkerita kaj prirabita dum la Centjara Milito inter Anglio kaj Francio, kastelo de Dartmouth estis konstruita ekde 1481 por kontroli la enirejon al la estuaro. De la kastelo ĉeno povus esti etendita trans la akvon ĝis la kastelo Kingswear sur la alia flanko. De 1510, la malgranda artileriofortikaĵo Bayard's Cove disponigis kroman protekton por la haveno.
La presbiteraj koloniantoj de la ŝipo Mayflower ("Majfloro") haltis sur sia vojo de la Southampton al Nordameriko ĉe la golfeto Bayard's Cove apud la fortikaĵo proksime de Dartmouth. La 20-an de aŭgusto 1620 ili daŭrigis sian vojaĝon kun la du ŝipoj Mayflower kaj Speedwell. 300 mejlojn okcidente de Land's End, la plej okcidenta kabo de Kornvalo, ili malkovris ke la pli eta ŝipo Speedwell estis netaŭga por transoceana vojo; la ŝipo tiam velis reen al la haveno de Plymouth. La Mayflower estis tute sur sola dum la transirejo ĝis ĝi alteriĝis en Nordameriko, en la estonta Masaĉuseco.
La urbo havas grandan nombron da historiaj konstruaĵoj. La plej okulfrapa estas la tielnomita Butterwalk (je la iom nekutima nomo "butera promeno", foto videblas maldekstre), kompletigita en 1640, kun kantilevrita supra etaĝo kies trabfakaĵo estas apogita per serio de okulfrapaj granitaj kolonoj.
Eksteraj ligiloj
Referencoj
This article uses material from the Wikipedia Esperanto article Dartmouth, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.