Club De Regatas Vasco Da Gama: Brazila futbala klubo
Club de Regatas Vasco da Gama - honorigita interalie per la Ordeno de Merito de Portugalio, pli bone konata nur kiel Vasco, akronimo estas CRVG ) estas brazila soci-multsporta klubo kun sidejo en la urbo Rio-de-Ĵanejro, fondita la 21-an de aŭgusto 1898 de grupo de remistoj.
Inspirite de la festadoj de la kvarcentjariĝo de la malkovro de la marvojo de Portugalio al Hindio, kiu okazis en 1498, ili baptis la novan asocion kun la nomo de la portugala navigisto kiu atingis ĉi tiun malkovron, Vasco da Gama.
| Club de Regatas Vasco da Gama | |||||
|---|---|---|---|---|---|
| Club de Regatas Vasco da Gama | |||||
 | |||||
 | |||||
| plursporta klubo | |||||
| Komenco | 21-a de aŭgusto 1898 | ||||
| Lando(j) | Brazilo vd | ||||
| Sidejo | Rio-de-Ĵanejro, Brazilo | ||||
| Posedata de | 777 Partners vd | ||||
| |||||
| Retejo | Oficiala retejo | ||||
La klubo estis fondita kiel "vetkurklubo", konsekrante sin en remado kiel unu el la plej grandaj ĉampionoj sur la kontinento - tial la akvosporta vorto regatto en la titolo. Tamen la klubo daŭre kovras aliajn kategoriojn kiel ekzemple atletiko, plaĝa volejbalo, basketbalo, plaĝa futbalo, inter aliaj, havante futbalon kiel la plej tradicia sporto. Tiun historion la klubo cetere divis kun la samurba sporta klubo [[Clube de Regatas do Flamengo], kiu ankaŭ komencis kiel remada klubo, sed nun same precipe estas futbalklubo.
Simboloj
La koloroj de Vasco tenas fortan signifon: la nigra diagonala strio sur blanka fono en la kluba flago rilatas al la vojo al la Oriento, trovita de Vasco da Gama (en la kluba blazono estas inverse blanka strio sur nigra fono, sed sama ideo). Krome, nigro kaj blanko estas koloroj kiuj kongruas kun la ideo de komuneco de etnoj, ĉar la klubo estis la unua sporta asocio en Brazilo, kiu batalis kontraŭ rasa kaj socia antaŭjuĝo, estinte la unua en la historio de sportaj kluboj en Brazilo esti elektinta prezidanton "ne blanka": en 1904, en tempo kiam rasismo kontraŭ nigruloj estis ofta praktiko en sporto, la Vasco da Gama havis la honoron elekti la mulaton Cândido José de Araújo al la plej alta ŝtupo de la klubo. La Kruco, la ĉefa simbolo, kromnomata, "kruco de da Gama", havas decidite religian aspekton, ĉar la portugala Ordeno de Kristo, de kiu ĝi devenas, estis kaj religia kaj kavalira.
La klubo en 1917 estis inter la fondaj membroj de plej alta futbala ligo de Brazilo, el kiu evoluis la Brazila Ligo, kaj la unua vira futbala teamo sekve ĉiam partoprenis la matĉojn de la plej alta ligo, krom en la sezono 2008-2009, kiam ĝi unu jaron devis kontentiĝi pri konkuro en la dua ligo.
Referencoj
Eksteraj ligiloj
This article uses material from the Wikipedia Esperanto article Club de Regatas Vasco da Gama, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.