Wessex Aethelwulf
Aethelwulf (n.
ĉ.795, mortis la 13-an de januaro 858) estis reĝo de Wessex ekde 839.
| Aethelwulf | |||||
|---|---|---|---|---|---|
| Reĝo de Wessex | |||||
 | |||||
| Regado | 839 ĝis 858 | ||||
| Persona informo | |||||
| Morto | 13-an de januaro 858 (63-jaraĝa) en Wessex | ||||
| Tombo | Katedralo de Winchester vd | ||||
| Religio | kristanismo vd | ||||
| Etno | Saksoj vd | ||||
| Ŝtataneco | Wessex vd | ||||
| Familio | |||||
| Dinastio | dinastio de Wessex vd | ||||
| Patro | Egbert vd | ||||
| Patrino | unnamed wife of King Egbert of Wessex • Redburga vd | ||||
| Edz(in)o | Judita de Flandrio • Osburh vd | ||||
| Infanoj | Alfredo la Granda • Æthelstan of Kent • Æthelswith • Ethelbald (Wessex) • Ethelbert (Wessex) • Ethelred (Wessex) • Judith of Wessex vd | ||||
| Profesio | |||||
| Okupo | monarko vd | ||||
| |||||
| vd | Fonto: Vikidatumoj | ||||
Vivo
Li estis la plej aĝa filo de Egbert (Wessex). En 825 li konkeris Kent kaj regis ĝin sub sia patro. Post la morto de Egbert en 839, Aethelwulf iĝis reĝo de Wessex, Cornwall, Kent kaj Essex: fakte de tuta suda Anglio. Li konfidis la orientan parton de sia regno al sia plej aĝa filo Athelstan.
Aethelwulf estis piulo kiu longe deziris pilgrimi al Romo. En 853 li sendis tien sian plej junan filon, Alfredon, kaj li mem sekvis lin en 855. Li faris malavarajn donacojn al la preĝejoj kaj ekleziuloj de Romo. Dum lia foresto lia plej aĝa filo Ethelbald servis kiel regento de Wessex, kaj ties frato Ethelbert estis regento de Kent. La sekvantan jaron Aethelwulf revenis, post edziĝi al Judita, filino de Karlo la 2-a (Francio). Laŭ la anglosaksa historiisto Asser, Ethelbald verŝajne partoprenis komploton kontraŭ sia patro, kies nova edzino povus naski rivalajn heredontojn. Por eviti enlandan militon, Aethelwulf permesis ke Ethelbald regu la okcidentan parton de Wessex.
Li mortis la 13-an de januaro 858, kaj entombiĝis unue en Steyning. Poste lia kadavro estis translokigata al Winchester, kie la ostoj ankoraŭ restas.
Edziĝoj kaj idoj
Aethelwulf edziĝis unue al nobelino de sia kortego, Osburga, kiu mortis ĉirkaŭ 854. Ili havis ses gefilojn el kiuj kvar iĝis reĝoj de Wessex:
- Athelstan, kiu verŝajne mortis antaŭ 856 kaj regis Kent sub sia patro
- Ethelbald (Wessex)
- Ethelbert (Wessex)
- Ethelred (Wessex)
- Alfredo la Granda
- Aethelswith (filino), kiu edziĝis post 853 al Burgred, reĝo de Mercia: en 874 ŝi kaj Burgred fuĝis al Romo pro dana invado.
Aethelwulf kaj lia dua edzino Judita ne havis idojn.
This article uses material from the Wikipedia Esperanto article Aethelwulf (Wessex), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.