Zubrovko
Zubrovko (pole żubrówka, prononcata: ĵubrufka) estas pola vodko distilita el sekalo.
Al tiel preparita alkoholo oni aldonas esencon de aroma herbo populare nomata żubrówka (en la pola ĝi signifas "bizona herbo", latine Hierochloe odorata), kiu kreskas en Arbaro de Białowieża. La herbo kaŭzas specifan guston, aromon kaj verdaflavan koloron. En ĉiu originala botelo da zubrovko estas unu trunketo de la herbo.
La historio de la vodko probable komenciĝis en la 17-a jarcento kaj jam en la 18-a jarcento zubrovko iĝis unu el la plej popularaj alkoholaĵoj de pola nobelaro. En 1926 la firmao Polmos eltrovis metodon de amasa produktado de la vodko kaj registris kaj patentis ĝin kiel komercan produkton.
Hodiaŭ la originalan vodkon produktas Polmos en Bjalistoko. Krome, en aliaj landoj oni produktas similaĵojn sub la nomoj: Wisent Vodka (Usono), Зубровка (Rusio), Zubrivka (Ukrainio), Grasovka (Belorusio).
Zubrovko estas ĝenerale trinkata pura kaj malvarmigita aŭ kiel koktelo kun pomsuko.
This article uses material from the Wikipedia Esperanto article Zubrovko, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.