Ŝerpoj
La ŝerpoj, ŝerpe kaj ankaŭ en multaj aliaj lingvoj nomataj Sherpa (en Esperanto proksimume orienta popolo aŭ orientuloj) estas etno de la himalaja regiono, kiu ĉirkaŭ la jaro 1500 enmigris al la centra kaj suda partoj de la himalaja montaro, veninte el Tibeto.
La etna nomo devenas el la tibeta lingvo: Tie shar ("ŝar") signifas "orienton" kaj la fina silabo -pa signifas "popolo", "homo(j)" aŭ "-ulo(j)".
| Ŝerpoj | |
|---|---|
  | |
| etno | |
| Suma populacio | |
| 520 | |
| Ŝtatoj kun signifa populacio | |
| Lingvo(j) | |
| Ŝerpa lingvo | |
| Religio | |
| Tibeta budhismo • hinduismo • Bon (religio) • kristanismo | |
Viraj anoj de la etno sialingve nomatas "Sherpa", virinaj anoj "Sherpani".
Laŭ stato de la jaro 2011 tutmonde ekzistas pli-malpli 180 000 ŝerpoj. Ili plejparte vivas en la oriento de Nepalo kaj en la limproksimaj regionoj de Ĉinio kaj Barato. Religie plejparto de ili estas budhistoj kaj plejparto konserve de sia kulturo parolas propran lingvon, la ŝerpan lingvon.
La ŝerpoj estas konataj pro ties kapableco al montaraj metioj. Ilia rolo estas gvidado de turistoj ĝis la kulmino de la plej altaj monotpintoj de la Himalajo. Ili transportas la materialon kaj la provizadon, kaj malfermas la vojon. Tial la vorto ŝerpo en pluraj mondaj lingvoj iĝis sinonimo de la koncepto de "altmontara portisto", eĉ se ne vere temas pri membro de la ŝerpa etno.
This article uses material from the Wikipedia Esperanto article Ŝerpoj, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.