The Others
C'l artìcul chè 'l è scrit in Miranduléś
Miranduléś The Others | ||
 La Nicole Kidman in na figùra dal film | ||
| Gl'Àtar 2001 | ||
|---|---|---|
| Regìa: Alejandro Amenábar | ||
| Scritōr: Alejandro Amenábar | ||
| Atōr: Nicole Kidman • Christopher Eccleston Alakina Mann • James Bentley • Elaine Cassidy Fionnula Flanagan • Eric Sykes • Keith Allen Renée Asherson • Aldo Grilo • Michelle Fairley | ||
| Müsica: Alejandro Amenábar | ||
| Léngua: Ingléś • Francéś | ||
| Dürä dal film: 101 minüt | ||
| Nasiōṅ: Stat Unî • Spaggna • Frància • Itàglia | ||
The Others (Gl'Àtar) 'l è 'n thriller psiculògic dal 2001 vinsidōr 'd òt Prèmi Goya scrit, dirèt e muśicâ p'r Alejandro Amenábar.
'L à fat sù da piò ad duśènt-daśdòt migliòṅ ad dòlar in tut a frònt 'd un cóst ad darsèt.
Sunt
In dal 1945 su l'ìśula ad Jersey, in dla Mandga, la Grace Stewart (Nicole Kidman), mujér 'd un suldâ daspèrs in guèra, la viṿ insém a i sò dū fiōi pìcui, l’Anne (Alakina Mann) e Nicolas (James Bentley). Chi lōr i èṅ malâ e i n pōl minga star a la luś dal Sōl o sinò la sò pèla la marsìrév impinénd-as 'd ulsri. 'L è par qvàl lè che gnanc 'n us a gh'à da ès'r avèrt prima che 'l ùltim a sia sarâ. I rìvan lè par jutàr-la in di fat tri parsòni, la guernànta in là c'n i an Bertha Mills (Fionnula Flanagan), al vèć giardinēr Edmund Tuttle (Eric Sykes) e na śōvna camaréra ciamàda Lydia (Elaine Cassidy).
Da quànd qvist chè i s èṅ stablî a cà dla Grace i tàcan però a sucédar di fat strâṅ e lì lē la s mét in tèsta ch'i gh sìan di "àtar". In di diségn dl’Anne i s védan quàtar parsòni che lē la diś ch'i stànan lè da lōr: 'n óm, na dóna, un putèṅ ciamâ Victor e na vècia da lò badśàda cuma stria.
In cal méntar la Grace la cata in dal tasèl mòrt al “lìbar di mòrt”, 'n àlbum ad foto dal Daśnuvéśum sècul in dua dal parsòni mòrti i èṅ in pòśa cuma s'i fùsan vivi, ma cun i òć sarâ.
Culegamènt estéran
This article uses material from the Wikipedia Emiliàn e rumagnòl article The Others, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.