C'l artìcul chè 'l è scrit in Miranduléś
Jannik Sinner (San Càndid, 16 'd Agóst dal 2001) 'l è 'n tenìsta sud-tiruléś prufesiunìsta da 'l 2018. 'L è élt 1,88 cm e 'l péśa 75 chilo. Al dróa 'l bras dèst'r e 'l tira 'l arvèrs a dū maṅ. Al gh'à i cavìi rós e 'l è alenâ da Riccardo Piatti e Andrea Volpini. Ólt'r a 'l tedésc 'l è bòṅ ad dascórar anc in ingléś e in itagliàṅ.
A gh piàś al cantànt Eminem e 'l tîṅ p'r al Milan. Da śōvan 'l éra 'n as dal sî, spòrt ch'l à fat in fiṅ a i tréd'ś an catànd dal sudisfasiòṅ in dal ślàlom gigànt.
In d'l Utóbar dal 2019, baténd al nùmar trédas dal mónd Gaël Monfils e pò Frances Tiafoe in dal turnèo 'd Anvèrsa, 'l è rivâ par la prima vòlta in na semifinàł dal sircùit ATP, pardénd in dū set da Stanislas Wawrinka ma dvintànd listés al nùmar sènt-òṅ dal mónd.
In dla sò caréra al s è mis in bisàca dū turnèo Challenger e 'l à vins al Next Gen Atp Finals in dal Nuvémbar dal 2019 baténd in finàl a Milàṅ 'l austragliàṅ Alex De MInaur, nùmar daśdòt dal mónd.
This article uses material from the Wikipedia Emiliàn e rumagnòl article Jannik Sinner, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.