Roubaix

Roubaix (a s lèś [ʁu.bɛ] in Francéś, praticamènt Rubè in emigliàṅ, Roubés in Picàrd) l'è na vècia sità industriàla dal nòrd dla Frància, divìsa in quàtar cantòṅ, ch'la s cata in dal dipartimènt dal Nòrd, pròpria atàc a 'l cunfîṅ c'n al Bélgi. Da quànd dimóndi indùstri i aṅ sarâ e la gint l'è armàśa a cà da lauràr, la sità l'è dvintàda in dal 2010 qvéla più pòvra dla nasiòṅ, muciànd sù un tas ad pòvar dal 45%.

La fà 95.866 abitànt (dat stimâ dal 2013) e dònca l'è la tèrsa sità più granda dla regiòṅ dal Nòrd-Pas dal Calé-Picardìa dòp Lille (ch'la gh'è tacàda a òvest) e Amiens.

Al sò sìndig, da 'l Avrìl dal 2014, 'l è Guillaume Delbar dal partî d'l UMP. In sità a gh'è siē muschéi, e una i èṅ drē a tiràr-la sù, ch'i sarvìsan par la pupulasiòṅ di musulmàṅ, stimâ a 'l 20% a 'l incìrca.

In dal sò velòdrum, in dla secónda stmana 'd Avrìl ad tut i an, a finìs la cursa 'd ciclìśum dla Parì-Roubaix, una dal cursi in lìnnea più famóśi a 'l mónd.

Culegamènt estéran

• (FR) Al sit ufisiàł dla sità

• Wiki Commons contiene file multimediali su Roubaix

Nòti