C'l artìcol chè 'l è scrit in Carpśàn
La Piràmid di biśògn ed Maslow l'è na figurasiòun schemàtica di biśògn edl òm, da quī più śèimpi a quī più sofistichê, che 'l psicòlog Maslow 'l ìva scrìt in dal 1943 in dla só tratasiòun "A Theory of Human Motivation" publichèda in dla Psychological Review. Più têrd el stèsi spiegasiòun, ampièdi, al Maslow al li publichèva in dal só lìber dal 1954 Motivation and Personality.
A partìr da 'l bâs edla piràmid, 'l òm al gh'avrèv di biśògn "fiśiològic" indispensàbil da giustèr, cma quī dal respirèr, dal magnèr, dal bèver, dal descarghèr, dal durmìr, dal sès e via descurènd.
Un pò più secondàri i srèven i biśògn ed "sicurèsa", a 'l riguêrd dal só fìśic, del só proprietê, dal só lavōr, dla só famìja e vìa acsè.
Incòr più rafinê da sodisfèr i srèven i biśògn 'd "apartenèinsa", c'ma quī dl'amicìsia, di afêt famiglièr e dl'intimitê sesuèla.
Di biśògn incòr più fîn da mèt'r a post i srèven quī dla "stìma", a dìr dla realiśasiòun, dal rispêt cun chi èter, dla padronànsa, e acsè vìa.
In sìma, in dla piràmid, a gh'starèv l'"avtorealiśasiòun", c'ma quand ùn, send pròpia na brèva persòuna, al n'gh'avrèv più di pregiudìsi mo invéci edl'acetasiòun, dla creativitê, la capacitê 'd catèr dal solusiòun ai probléma, dla spontanitê e dla moralitê.
This article uses material from the Wikipedia Emiliàn e rumagnòl article Piràmid di biśògn ed Maslow, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.