C'l artìcul chè 'l è scrit in Miranduléś
La Nicola Ferguson Sturgeon, cgnusùda méj cuma Nicola Sturgeon (Irvine, 19 ad Luj dal 1970) l'è na pulìtiga britànica dal partî nasiunalìsta scuséś (SNP) e prima minìstra dla Scòsia da 'l 20 ad Nuvémbar dal 2014.
Da 'l 2003 la Nicola la s è spuśàda cun Peter Murrell.
La Nicola, laureàda in léǵ a l'Università 'd Glasgow, la taca a lauràr cuma avucàt pò la s càndida a gl'elesiòṅ dal parlamènt scuséś in dal 1999 vgnénd elèta.
Al 19 ad Setémbar dal 2014 l'à pardû al referendum par dastacàr la Scòsia da 'l Régn Unî cun qvéi ch'i vlìv'n armàgnar ch'i aṅ purtâ a cà 'l 55,3% di vōt. Dòp al dimisiòṅ dal segretàri dal sò partî Alex Salmond l'à tòlt lē in maṅ al SNP al 14 ad Nuvémbar dal 2014. In dal 2016 la pòrta avànti la campàgna cóntar la Brexit vinsénd al referendum in cà sua c'n al 62% ma pardénd a livèl nasiunàł.
This article uses material from the Wikipedia Emiliàn e rumagnòl article Nicola Sturgeon, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.