C'l artìcul chè 'l è scrit in Miranduléś
La Nancy Patricia Pelosi, nada D'Alesandro (Baltimòra, 26 ad Mars dal 1940) l'è na pulìtica americàna dal partî demucràtic, presidènta dla Cambra di rapreśentànt.
Nada in dal Maryland da di genitōr cun di urìgini itagliàni, la Nancy la s davśìna prèst a la pulìtiga tgnénd adrē a 'l mistēr ad sò pàdar Thomas D'Alesandro Jr., sìndig ad Baltimòra e mémbar dal Cungrès di Stat Unî. Dòp ès'r-as laureàda a 'l Trinity College ad Washington, in du la cgnós anc al sò futûr marè Paul Pelosi, la spatìna a San Francisco par métar sù famìja sèg. Dòp avēr carsû i sò sinc fiōi (quàtar fémni e 'n masć), la gh dà dèntar cun la pulìtica dvintànd la pòrta-vóś di demucràtic califurgnàṅ.
In dal 1988 la dvènta par la prima vòlta mémbra dla Cambra di rapreśentànt p'r al stat dla Califòrgna, un quèl ch'la farà sèmpar 'd in alóra a vgnir a 'dès, da spés pasànd al 70% di vōt. Da 'l 2007 a 'l 2011 l'è elèta presidènta dla Cambra di rapreśentànt, carga ch'la tórna a far in dal 2019 quànd al sò partî al vins gl'elesiòṅ ad mità mandâ śgranfgnànd via la Cambra a i republicàṅ dòp òt an.
In dal Favràr dal 2020, dòp ch'al presidènt Donald Trump durànt al dascōrs dal Stat dl'Uniòṅ al n gh'iva mia stricâ la maṅ, la decìd ad sćiancàr tut i fujét dal tèst scrit da 'l presidènt.
This article uses material from the Wikipedia Emiliàn e rumagnòl article Nancy Pelosi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.