Mine Vaganti
C'l artìcul chè 'l è scrit in Miranduléś
Miranduléś Mine vaganti | ||
 Riccardo Scamarcio in na figùra dal film | ||
| Mini stramnàdi 2010 | ||
|---|---|---|
| Regìa: Ferzan Özpetek | ||
| Scritōr: Ferzan Özpetek • Ivan Cotroneo | ||
| Atōr: Riccardo Scamarcio • Alessandro Preziosi Nicole Grimaudo • Ilaria Occhini • Lunetta Savino Ennio Fantastichini • Daniele Pecci • Bianca Nappi Elena Sofia Ricci • Gea Martire • Carmine Recano Carolina Crescentini • Massimiliano Gallo | ||
| Müsica: Pasquale Catalano | ||
| Léngua: Itagliàṅ | ||
| Dürä dal film: 110 minüt | ||
| Nasiōṅ: Itàglia | ||
Mine vaganti (Mini stramnàdi) l'è na cumèdia dramàtica dal 2010 ad Ferzan Özpetek. L'è stada candidàda a trédas Dàvid ad Dunatèl vinsénd qvéi par gl'atōr minga prutagunìsta (Ilaria Occhini e Ennio Fantastichini). Inóltar la s è purtàda a cà sinc Nàstar 'd Argìnt.
La pelìcula, giràda a Lécce e a Gaìpul, l'è custàda sèt migliòṅ 'd euro a 'l incìrca e la 'n à pò purtâ a cà da piò 'd òt e tri. In dla culòna sunóra dal film i s càt'n i braṅ 50mila dla Nina Zilli e Pensiero stupendo dla Patty Pravo ch'la canta anc Sogno scrit apòsta p'r al film.
A 'l èstar 'l è vgnû fóra cun di nóm dal tut difarènt cuma “Le Premier qui l'a dit” (Al prim ch'al 'l à dit) in Frància, “Hombres al dente” (Óm a 'l dènt) in Culómbia, “O miłości i makaronach” (Amōr e pasta) in Pulógna o “Uma Família Moderna” (Na famìja mudèrna) in Purtugàl.
Sunt
Tommaso Cantone (Riccardo Scamarcio), uriginàri 'd Lécce, 'l è andâ a star a Róma par studiàr a l'università ma minga ecunumìa cuma i vrév'n i suo ma létri parchè da grand a gh piaśrév scrìvar di lìbar. Quànd 'd Istâ al tórna in Salènt par viśitàr la famìja, sò màdar Stefania (Lunetta Savino) ch'la gh stà sèmp'r adòs, sò pàdar Vincenzo (Ennio Fantastichini) titulàr 'd un pastifìsi industriàł dimóndi impurtànt, sò surèla Elena (Bianca Nappi) ch'la n vōl pròpria briśa ardùś'r-as a far la raśdōra, sò sia Luciana (Elena Sofia Ricci), sò nunóna (Ilaria Occhini) e sò fradèl Antonio (Alessandro Preziosi), al vrév vudàr al sac dgénd a tut la véra e ch'l è anc fnòć.
Quànd però i èṅ tut a tavla, sò fradèl al tōś la paròla par prim dgénd 'd èsar gay e tut i gh armàgnan, specialmènt sò pàdar ch'l arév vlû dar-'g al pastifìsi par purtàr-'l avànti insém a Tommaso. Esénd che lò 'l è dimóndi tradisiunàl e 'n óm dal sud a l'antìga, al n pōl minga pardunàr-'g un quèl dal gènar. Par cal mutìṿ lè 'l al para via subìt e 'l al scanśèla da la gestiòṅ dal pastifìsi. Tommaso 'l è custrét acsè a tgnir-as dènt'r incòsa e a tacàr a lauràr insém a l’Alba Brunetti (Nicole Grimaudo) la fiōla dal sòci ad sò pàdar.
Culegamènt estéran
This article uses material from the Wikipedia Emiliàn e rumagnòl article Mine vaganti, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.