La Finestra Di Fronte
C'l artìcul chè 'l è scrit in Miranduléś
Miranduléś La finestra di fronte | ||
 La Mezzogiorno, Nigro e Girotti in na figùra dal film | ||
| La fnèstra 'd frònt 2003 | ||
|---|---|---|
| Regìa: Ferzan Özpetek | ||
| Scritōr: Gianni Romoli • Ferzan Özpetek | ||
| Atōr: Giovanna Mezzogiorno • Raoul Bova Massimo Girotti • Filippo Nigro • Flavio Insinna Serra Yilmaz • Maria Grazia Bon • Massimo Poggio | ||
| Müsica: Andrea Guerra | ||
| Léngua: Itagliàn | ||
| Dürä dal film: 106 minüt | ||
| Nasiōṅ: Itàglia • Turchìa • Régn Unî • Purtugàl | ||
La finestra di fronte (La fnèstra 'd frònt) 'l è 'n film dramàtic dal 2003 ad Ferzan Özpetek dedicâ a 'l atōr Massimo Girotti mòrt subìt dòp avér-al finî. La pelìcula l'à vins sinc Dàvid ad Dunatèl e tri Nàstar 'd argìnt.
In dla culòna sunóra dal film i s càtan di pès dla Mina (Chihuahua), dla Giorgia (Gocce di Memoria), dla Nada (Ma che freddo fa) e àt'r incóra.
Sunt
La Giovanna (Giovanna Mezzogiorno) l'è na śōvna spuśàda minga tant cuntènta dla sò vita e dal sò matrimòni. La gh'à 'n marè ch'al fà fadìga a catàr un lavōr fis, Filippo (Filippo Nigro), e dū putèṅ pìcui da crésar. Ad mistēr la fà i cònt in un negòsi ch'a vénd di pui ma l'è custréta a lauràr ad nòt parchè la n gh'à mia 'l curàǵ 'd arvultàr-as. Un dè l'incróśa par strada un vèć ch'l à pardû la memòria (Massimo Girotti) e ch'al n s arcòrda piò gnanc chi 'l è, a gh pâr sōl ad ciamàr-as Simone. Insém a sò marè la decìd ad tōr-al malvluntéra a cà sua, spetànd ad dmandàr ajùt a la pulisìa al dè dòp, ma pò la taca a interesàr-'s a la sò stòria e la decìd acsè 'd ardàr-'g a fónd par capìr-an da piò.
In cal méntar la Giovanna la sógna n'atra vita par lē tgnénd 'd òć par la fnèstra 'n sò vśèṅ ad cà, Lorenzo (Raoul Bova), ch'al stà in dal palàs ad frònt e ch'a gh piàś dimóndi. Sèg la gh la cava a mét'r insém i pès dla vita dal sò òspit. A s trata ad Davide Veroli, ebrèj e fnòć, ch'l éra scampâ a 'n rastrelamènt e a la depurtasiòṅ dal 1943. Par salvàr la vita a dgl'atri parsòni dal sò palàs, che fra 'l àtar i gh ridìv'n anc adrē, 'l éra stâ custrét a lasàr al sò muróś Simone (Ivan Bacchi) ch'l éra pò mòrt in di camp ad cuncentramènt, lasànd-'g un magòṅ ad c'l àtar mónd par tuta la vita.
Quànd a Davide a gh tórna la memòria al dà 'n cunsìli a la Giovanna, qvél ad tgnir adrē a i sò sógn, ad far qvél ch'la vōl dabòṅ e 'd cumbàtar par salvàr al sò matrimòni e p'r i sò fiōi.
Culegamènt estéran
This article uses material from the Wikipedia Emiliàn e rumagnòl article La finestra di fronte, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.