Pulógna

C'l artìcul chè 'l è scrit in Miranduléś

La Pulógna (denuminasiòṅ uficiàla: Repùblica dla Pulógna, in pulàc: Rzeczpospolita Polska, Polonia in Itagliàn) l'è na nasiòṅ dl'Europa d'l èst. La gh'à na pupulasiòṅ ad 38.483.957 (2014) abitànt e na superfìsi ad 312.696 km². La capitàla l'è Varsàvia.

La léngua uficiàla 'l è 'l Pulàc, na léngua dal grup ślaṿ. La sò munéda l'è al Złoty.

La cunfìna a òvest cun la Germâgna, a sud cun la Repùblica Céca e la Śluvàchia, a èst cun l'Ucraìna e la Bieloróssia, a nurdèst cun la Lituàgna e la Rùsia (p'r èsar precìś cun l'exclave ad Kaliningrad) e a nòrd c'n al Mar Bàltic.

La Pulógna l'è na repùblica parlamentàra; al presidènt 'd adès 'l è Andrzej Duda dal partî Dirìt e Giustìsia, mént'r al prim minìstar, da 'l 2017, 'l è Mateusz Morawiecki.

Al sità più grandi dla Pulógna i èṅ Varsàvia (Warszawa) cun 1.748.916 abitànt, Cracòvia (Kraków) cun 762.448 abitànt, Lòdz (Łódź) cun 698.688 abitànt, Breślàvia (Wrocław) cun 637.075 abitànt e Pòznan (Poznań) cun 541.561 abitànt (dat dal 2016).

Dòp la Secónda guèra mundiàla la Pulógna la ciàpa da la Germâgna dimóndi di teritòri ch'i éran dla Prùssia, ch'la sparìs acsè da 'l cartìni geugràfichi, e la pasa sóta 'l blòc cumunìsta. In dal Mars dal 1999 la taca a far part dla NATO méntar 'l 8 ad Śugn dal 2003 al 77,4% di pulàc al decìd ch'al paéś al vaga dènt'r a l'Ugnòṅ europea dòp un referendum.

Culegamènt estéran

• (EN) Al Sit uficiàł

• Wiki Commons contiene file multimediali su Pulógna