La Nona Porta
C'l artìcul chè 'l è scrit in Miranduléś
Miranduléś The Ninth Gate | ||
| La nona porta | ||
 Johnny Depp e la Seigner in na figùra dal film | ||
| La nòna pòrta 1999 | ||
|---|---|---|
| Regìa: Roman Polański | ||
| Scritōr: Roman Polanski • John Brownjohn Arturo Pérez-Reverte • Enrique Urbizu | ||
| Atōr: Johnny Depp • Emmanuelle Seigner Frank Langella • James Russo • Jack Taylor Lena Olin • Barbara Jefford • Joe Sheridan | ||
| Müsica: Wojciech Kilar | ||
| Léngua: Ingléś • Francéś Spagnōl • Purtughéś • Latìn | ||
| Dürä dal film: 127 minüt | ||
| Nasiōṅ: Stat Unî • Frància • Spaggna | ||
La nona porta (La nòna pòrta) 'l è 'n film ad scarésa dal 1999 ad Roman Polański trat da 'l rumànś „Al club Dumas“ dal scritōr spagnōl Arturo Pérez-Reverte.
Custâ trént'òt migliòṅ ad dòlar, al 'n à pò purtâ a cà da piò ad sinquànt'òt.
Sunt
Boris Balkan (Frank Langella), editōr e culesiunìsta 'd lìbar ad New York, al dà 'l incàr'g a Dean Corso (Johnny Depp), luminàri 'd lìb'r antìg, ad studiàr un vèć tèst eśutèric ch'al gh'à in dla sò culesiòṅ privàda. A s trata 'd un lìbar ciamâ „Al nóṿ pòrti dal Régn dgl'Òri“ scrit in dal 1666 p'r un venesiàṅ bruśâ viṿ da la Santa Inquiśisiòṅ, Aristide Torchia. Balkan al gh'à in maṅ òṅ di tri lìbar ch'a gh'è armàś in tut al mónd ma 'l è sicûr ch'a gh in sia sōl òṅ autèntig, adatamènt 'd un lavōr òpra dal Diàv'l in parsòna, 'l „Horrido Delomelanichon“.
Corso, prima 'd partìr par la Spaggna, al dascór cun la Liana (Lena Olin), védva 'd qvél ch'l iva vindû 'l lìb'r a Balkan, un tisi che pò subìt dòp al s éra tòlt la vita, Andrew Telfer (Willy Holt). La dóna la 'l vrév indrē parchè 'l éra suo ma Corso al gh diś ad nò. La dóna la n mòla minga e la và a catàr-'l in dal sò apartamènt par pascàr al lìbar ma la n al cata briśa. In cal mént'r al sòci ad Corso ch'al tgniva dacàt al tèst, Bernie (James Russo), al vèṅ catâ mòrt ligâ p'r un pē a tèsta in śò c'n al gambi a fórma 'd quàt'r arbaltâ pròpria cuma in na figùra dal tèst e cuma in dla carta di taròc 'd “Al Tacâ”.
Corso al riva a Tulēd e al dascór c'n i fradèi Pablo e Pedro Ceniza (Jose Lopez Rodero) ch'ad mistēr i faṅ i giustadōr ad lìbar. Chi lōr i gh móstran che soquànti inciśiòṅ i èṅ firmàdi "LCF", riferimènt a Lucìfar. Boris al sa spòsta pò a Sintra in Purtugàl in dua al buta 'l òć su na còpia dal lìbar ad Victor Fargas (Jack Taylor) ch'la gh'à dal difarénsi pròpria in di inciśiòṅ. Quànd al lasa la sò vila, la guàrdia dal còrp ad Telfer al próa a cupàr-al ma al n gh la cava minga anc parchè a s mét in mèś na ragàsa (Emmanuelle Seigner). La matìna dòp Corso al tórna sèg in dla vila 'd Fargas ma 'l al cata mòrt e 'l lìbar bruśâ.
Culegamènt estéran
This article uses material from the Wikipedia Emiliàn e rumagnòl article La nona porta, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.