La Confessione Della Signora Doyle
C'l artìcul chè 'l è scrit in Miranduléś
Miranduléś Clash by Night | ||
| La confessione della signora Doyle | ||
 La Marilyn Monroe in na figùra dal film | ||
| La cunfesiòṅ dla sgnōra Doyle 1952 | ||
|---|---|---|
| Regìa: Fritz Lang | ||
| Scritōr: Alfred Hayes • Clifford Odets | ||
| Atōr: Barbara Stanwyck • Paul Douglas • Robert Ryan Marilyn Monroe • J. Carrol Naish • Silvio Minciotti Keith Andes • Bert Stevens • Mario Siletti | ||
| Müsica: Roy Webb | ||
| Léngua: Ingléś • Itagliàṅ | ||
| Dürä dal film: 105 minüt | ||
| Nasiōṅ: Stat Unî | ||
La confessione della signora Doyle (La cunfesiòṅ dla sgnōra Doyle) 'l è 'n film dramàtic americàṅ dal 1952 ad Fritz Lang girâ in biànc e négar.
In dla versiòṅ itagliàna dla pelìcula a gh'è 'n pasàǵ cinsurâ, qvél in dua Paul Douglas, quànd al vîṅ a savēr dal tradimènt dla Barbara Stanwyck, al gh diś ch'l'è marsa dèntar e lē la gh rispónd ch'la 'l sà.
Sunt
Joe Doyle (Keith Andes) 'l è 'n ragàs ch'al stà in un paiśèṅ dla Califòrgna, Monterey, in du 'l scampa faghénd al pescadōr. La sò śōvna muróśa Peggy (Marilyn Monroe) la lavóra in fàbrica inscatlànd al pés ma la s è fiacàda 'd cal mistēr lè. Joe al pésca 'l sardìni laurànd sóta padròṅ su la barca dal put Jerry D'Amato (Paul Douglas) ch'al viṿ c'n un pàd'r imbariagòs (Silvio Minciotti) e c'n un sîṅ scrucòṅ, patég'l e bòṅdagnìnt, fradèl ad sò màdar mòrta, Patrizio (J. Carrol Naish).
Dòp déś an, un dè a tórna in paéś la surèla 'd Joe, la Marta (Barbara Stanwyck), ch'l'éra andàda via c'n un pulìtig bèla spuśâ par far la bèla vita ma adès ch'l è finî incòsa l'à decìś ad turnàr in dla cà 'd famìja. Sò fradèl al la tōś dèntar malvluntéra a 'l cuntràri dla sò muróśa ch'invéci l'è più gustóśa sèg.
Joe al decìd ad preśentàr Jerry a sò surèla e i dū i tàc'n a 'ndàr fóra insém par pò spuśàr-as anc se la dóna la gh cònta ch'la n è minga una da matrimòni. La còpia la gh'à prèst na putìna ma la Marta la n è briśa cuntènta dla vita ch'la fà, ad star a cà a far i fat par 'n óm bòṅ 'd cōr ma ch'al n sà 'd gnint a dir dabòṅ.
Quànd un dè a tórna in paéś Fred (Robert Ryan), un sò vèć amànt divursiâ ch'ad mistēr al fà véd'r i film a 'l cìnema e che fra 'l àtar 'l è amìg da sèmp'r ad sò marè, la decìd ad scapàr via sèg.
Culegamènt estéran
This article uses material from the Wikipedia Emiliàn e rumagnòl article La confessione della signora Doyle, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.