Lina Sotis
C'l artìcul chè 'l è scrit in Miranduléś
Miranduléś
La Lina Sotis (Róma, 27 'd Avrìl dal 1944) l'è na giurnalìsta e scritōra itagliàna.
Biugrafìa
Fiōla d'l avucàt matrimunialìsta Gino, creadōr dal prèmi cinematugràfic di Dàvid ad Dunatèl, la Lina la sa spóśa a daśdòt an cun 'l industriàł dal petròli Gian Marco Moratti ma, dòp avēr abû dū fiōi sèg, la s divìd sinc an dòp in dal 1967.
In séguit la taca na caréra 'd giurnalìsta laurànd p'r al rivìsti Vogue, Amica e Gioia. Dòp èsar-'s fata i òs in dal mónd dal giurnalìśum a 'l Corriere d'Informazione, in dal 1978 la pasa a 'l Corriere della Sera, prima dóna a far part dla redasiòṅ dal crónachi. P'r al giurnàł ad via Sulfarèṅ la tîṅ adrē a 'l rubrìchi 'd custùm e 'd sucietà.
In dal 1982 la fà vgnir fóra 'l sò prim lìb'r ad literadùra da 'l tìtul Bon Ton, seguî pò da di àtar lavōr ch'i vànan da i rumànś a i saǵ.
Da 'l 1993 l'è spuśàda cun 'l urbanìsta Marco Romano. In pensiòṅ da 'l 2009, la cuntìnua a scrìvar par la sò rubrìca «Qui Lina», culaburànd anc c'n al Corriere Magazine e Amica.
Culegamènt estéran
This article uses material from the Wikipedia Emiliàn e rumagnòl article Lina Sotis, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.