C'l artìcul chè 'l è scrit in Miranduléś
Francfòrt o Francfòrt su 'l Mên (Frankfurt am Main in tedésc, a s lèś [ˈfʁaŋkfʊɐ̯t am ˈmaɪ̯n]) l'è na sità dla Germâgna ad dagnóra setsènt-mila abitànt, la quìnta più granda dal paéś dòp Berlîṅ, Ambûrg, Mònag 'd Bavéra e Culògna e la più impurtànta dla regiòṅ dl'Àssia. Miténd insém tut i cumùṅ dl'àrea metrupulìtana la riva a sinc migliòṅ e mèś 'd abitànt.
In sità a gh pasa 'l fiùm Mên e i s èṅ stablìdi lè la Banca Federàla Tedésca, la Banca Sentràla Europea e la Bórsa 'd Francfòrt, la tèrsa più impurtànta a 'l mónd cuntànd i scambi asiunàri. Dū i èṅ i giurnài stampâ chè: al Frankfurter Allgemeine Zeitung e al Frankfurter Rundschau.
Durànt la secónda guèra mundiàla i bumbardamènt i aṅ śbatû śò al 70% di palàs e praticamènt tut al sèntar stòric. Adès l'è divìśa in sédas distrét (ortsbezirke) e la pōl cuntàr fra i sò sitadèṅ su vintsèt-mila turc e quatórdas-mila itagliàṅ, cruàt e pulàc a 'l incìrca (dat dal 2014).
Al sò sìndig, da 'l 2012, 'l è al sucialìsta Peter Feldmann.
This article uses material from the Wikipedia Emiliàn e rumagnòl article Francfòrt, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.