Fatal Lessons
C'l artìcul chè 'l è scrit in Miranduléś
Miranduléś Fatal Lessons: The Good Teacher | ||
| Fatal lessons | ||
 L'Erika Eleniak in na figùra dal film | ||
| Lesiòṅ fatàli 2004 | ||
|---|---|---|
| Regìa: Michael Scott | ||
| Scritōr: Casey T. Mitchell | ||
| Atōr: Erika Eleniak • Ken Tremblett • Jerry Rector Patricia Kalember • Rowen Kahn • Keely Purvis William MacDonald • Lori Triolo • Dean Redman | ||
| Müsica: Tim Jones | ||
| Léngua: Ingléś | ||
| Dürä dal film: 94 minüt | ||
| Nasiōṅ: Cànada • Stat Unî | ||
Fatal lessons (Lesiòṅ fatàli) 'l è 'n thriller canadéś e americàṅ dal 2004 ad Michael Scott girâ par la televiśiòṅ.
'L è stâ girâ in Cànada a Vancouver.
Sunt
La Samantha Stephens (Patricia Kalember) l'è na dóna cuntènta parchè la gh'à na bèla famìja e na bèla vila. Sò marè Nick (Ken Tremblett) al fà 'l dutōr, sò fiōl Jack al śōga a 'l fólbar méntar sò fiōla, la Molly (Keely Purvis), l'è inteligìnta e la và bèṅ a scóla. Inóltar la gh'à 'n bèl caṅ biànc, Brooks, e n'amìga ch'la la juta a tgnir adrē a i putèṅ e ch'la và a cùrar sèg in di parc, la Jane Robson (Lori Triolo), fra 'l àtar ex muróśa ad sò marè a i tèmp dl'università.
Un dè la Molly la vîṅ a cà c'n un brut vōt ch'la gh'à dâ la sò mistra nóva, la Victoria Paige (Erika Eleniak), ch'la 'l à fat sōl par far in manéra ch'la studìs da piò. La Samantha la pésca 'n insgnànt par dal ripetisiòṅ ma la n al cata minga, alóra la śibìs a la Victoria ad far-li lē. Quànd al caṅ al la véd par la prima vòlta al gh baja adòs ma la mistra la 'l fà fóra cun dal curâr. A s véd subìt ch'la n è minga tant a pòst parchè in séguit la fà fóra a lèt, in na manéra cumpàgna, 'n óm 'd afâr (Jerry Rector) ch'l iva cgnusû in un bar. La dóna la gh'à 'n visi, qvél 'd insfilsàr-'s in dal famìji cun di bèsi, far fóra la màdar, tōr-'n al pòst e purtàr via tut a i marè. Un sò ex muróś, Daniel Eliot (William MacDonald), al sà incòsa ma lē la gh mét dū minùt a cupàr-al.
Culegamènt estéran
This article uses material from the Wikipedia Emiliàn e rumagnòl article Fatal lessons, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.