Anthony Perkins

Anthony Perkins (New York, 4 'd Avrìl dal 1932 – Los Angeles, 12 ad Setémbar dal 1992) 'l è stâ 'n atōr, regìsta e senegiadōr americàṅ, candidâ a 'l Prèmi Òscar in dal 1957 cuma atōr minga prutagunìsta p'r al rōl ad Josh Birdwell in dal film La legge del Signore ad William Wyler mént'r a 'l Fèstival ad Cannes 'l è stâ bòṅ ad vìnsar par la pelìcula Le piace Brahms?.

'L è cgnusû p'r avér dâ la sò ghigna a 'l persunàǵ ad Norman Bates in dal film Psyco 'd Alfred Hitchcock, rōl ch'l à pò cuntinuâ a far in àtar tri film: Psycho II (1983), Psycho III (1986) e Psycho IV (1990).

Bisesuàl in dal vita privàda, 'l è mòrt a ssant'an par na pulmunît cauśàda da 'l AIDS méntar sò mujér, l'atōra e mudèla Berry Berenson, l'à pardû la vita in di atintâ d'l 11 Setémbar 2001 esénd lē insìma a 'l aparéć vōl American Airlines 11 fat stablìr da i terurìsta atàc a 'l Tóri Śmèli 'd New York. La còpia la gh'iva dū fiōi nâ in di an Stanta, Oz e Elvis.

Biugrafìa

Perkins al taca la sò caréra a 'l cìnema in di an Sinquànta e 'l fà sèntar bèla c'n al sò secónd film, La legge del Signore, ch'al gh fruta 'n Golden Globe e na nomination a i Prèmi Òscar. In chi an lè al fà vgnir fóra anc di disc, firmâ Tony Perkins, e 'n sò sìngul dal 1957, Moon-Light Swim, al gh la cava anc a finìr a 'l 24śum pòst dla Billboard americàna.

In dal 1960 al cata 'l sucès faghénd al prutagunìsta in dal thriller Psyco 'd Alfred Hitchcock. Cla part chè la ségna par sèmpar la sò caréra, specialmènt in di ùtim an. In di an a vgnir al lavóra cun di regìsta impurtànt cuma Orson Welles, ch'l al vōl in Il processo trat da 'l rumànś umònim ad Franz Kafka, René Clément (Parigi brucia?), Claude Chabrol (Le scandale - Delitti e champagne e Dieci incredibili giorni) e Mike Nichols (Comma 22).

In di an Stanta al gira 'l thriller Qualcuno dietro la porta e 'l śal Assassinio sull'Orient Express, lavōr ad Sidney Lumet trat da 'l rumànś dl'Agatha Christie, mént'r in di an Utànta e Nuànta al tōś part a soquànt lavōr par la televiśiòṅ e a soquànt pelìculi 'd scarésa o dal śgriśōr in du 'l fà da spés di persunàǵ disturbâ o ciucâ in dla suca cuma in China Blue o Dr. Jekyll e Mr. Hyde: sull'orlo della follia.

Filmugrafìa

• 1953 - L'attrice (The Actress), regìa ad George Cukor
• 1956 - La legge del Signore (Friendly Persuasion), regìa ad William Wyler
• 1957 - Prigioniero della paura (Fear Strikes Out), regìa ad Robert Mulligan
• 1957 - L'uomo solitario (The Lonely Man), regìa 'd Henry Levin
• 1957 - Il segno della legge (The Tin Star), regìa 'd Anthony Mann
• 1958 - La diga sul Pacifico (This Angry Age), regìa ad René Clément
• 1958 - Desiderio sotto gli olmi (Desire Under the Elms), regìa ad Delbert Mann
• 1958 - Bella, affettuosa, illibata cercasi... (The Matchmaker), regìa ad Joseph Anthony
• 1959 - Verdi dimore (Green Mansions), regìa ad Mel Ferrer
• 1959 - L'ultima spiaggia (On the Beach), regìa ad Stanley Kramer
• 1960 - In punta di piedi (Tall Story), regìa ad Joshua Logan
• 1960 - Psyco (Psycho), regìa ad Alfred Hitchcock
• 1961 - Le piace Brahms? (Goodbye Again), regìa 'd Anatole Litvak
• 1962 - Fedra (Phaedra), regìa ad Jules Dassin
• 1962 - Il coltello nella piaga (Le couteau dans la plaie), regìa 'd Anatole Litvak
• 1962 - Il processo (Le procès), regìa 'd Orson Welles
• 1963 - Uno dei tre (Le glaive et la balance), regìa 'd André Cayatte
• 1964 - Un'adorabile idiota (Une ravissante idiote), regìa 'd Édouard Molinaro
• 1965 - The Fool Killer, regìa ad Servando González
• 1966 - Parigi brucia? (Paris brûle-t-il?), regìa ad René Clément
• 1967 - Le scandale - Delitti e champagne (Le scandale), regìa ad Claude Chabrol
• 1968 - Dolce veleno (Pretty Poison), regìa ad Noel Black
• 1970 - Comma 22 (Catch-22), regìa ad Mike Nichols
• 1970 - Un uomo, oggi (WUSA), regìa ad Stuart Rosenberg
• 1970 - Psyco 2 (How Awful About Allan), regìa ad Curtis Harrington - film TV
• 1971 - Dieci incredibili giorni (La décade prodigieuse), regìa ad Claude Chabrol
• 1971 - Qualcuno dietro la porta (Quelqu'un derrière la porte), regìa ad Nicolas Gessner
• 1972 - Play It As It Lays, regìa ad Frank Perry
• 1972 - L'uomo dai 7 capestri (The Life and Times of Judge Roy Bean), regìa ad John Huston
• 1974 - Lovin' Molly, regìa ad Sidney Lumet
• 1974 - Assassinio sull'Orient Express (Murder on the Orient Express), regìa ad Sidney Lumet
• 1975 - Mahagoni (Mahogany), regìa ad Berry Gordy e 'd Jack Wormser
• 1978 - Ricorda il mio nome (Remember My Name), regìa 'd Alan Rudolph
• 1978 - I miserabili (Les miserables), regìa ad Glenn Jordan
• 1979 - Attacco: piattaforma Jennifer (North Sea Hijack), regìa 'd Andrew V. McLaglen
• 1979 - Rebus per un assassinio (Winter Kills), regìa ad William Richert
• 1979 - Il sogno di Laura (Twee vrouwen), regìa ad George Sluizer
• 1960 - The Black Hole - Il buco nero (The Black Hole), regìa ad Gary Nelson
• 1980 - Sindrome di un assassinio (Double negative), regìa ad George Bloomfield
• 1983 - Psycho II, regìa ad Richard Franklin
• 1984 - Terrore in sala (Terror in the Aisles), regìa 'd Andrew J. Kuehn
• 1984 - China Blue (Crimes of Passion), regìa ad Ken Russell
• 1986 - Psycho III, regìa 'd Anthony Perkins
• 1988 - L'occhio della morte (Destroyer), regìa ad Robert Kirk
• 1989 - Dr. Jekyll e Mr. Hyde: sull'orlo della follia (Edge of Sanity), regìa ad Gérard Kikoïne
• 1990 - Psycho IV (Psycho IV: The Beginning), regìa ad Mick Garris - film TV
• 1990 - Vestito che uccide (I'm Dangerous Tonight), regìa ad Tobe Hooper - film TV
• 1991 - L'uomo della porta accanto (Der mann nebenan), regìa dla Petra Haffter
• 1992 - Bersaglio tutto nudo (Los gusanos no llevan bufanda), regia ad Javier Elorrieta
• 1992 - Un grido nel buio (In the Deep Woods), regìa ad Charles Correll - film TV

cuma Regìsta

• 1986 - Psycho III
• 1988 - Una fortuna da morire (Lucky Stiff)

Culegamènt estéran

• (EN) Filmugrafìa in s'l IMDb

Àtar prugèt

• Wikiquote contiene citazioni di o su Anthony Perkins
• Wiki Commons contiene file multimediali su Anthony Perkins