Eʋegbe nye Eʋeawo ƒe gbe siwo dona.
Wo dona Eʋegbe le Ghana kple Togo kpakple Benin Dãhumey dukɔ siwo le Afrika ƒe ɣetoɖoƒe lɔƒo la me. Gbe dodo siwo teɖe Eʋegbe ŋu wonye Fɔ̃gbe kpakple Adzágbe. Esiawo katã wonye Gbe siwo doƒome kple Ʋegbe. Germania ye ŋutsu Diedrich Hermann Westermann, si srɔ̃ nugeɖe le Afrika ŋuti la, ŋlɔ agbalẽwo geɖe le Eʋegbe ŋuti. Ame bubu siwo srɔ̃ nu le Eʋegbe ŋuti wonye Gilbert Ansre, Hounkpati B. Capo, Herbert Stahlke, Roberto Pazzi, Felix K. Ameka, Alan Stewart Duthie. Gake le Eʋenyigbadzi la Sam J. Obianim nye amesi ŋlɔ Ʋegbe gbalẽ geɖewo. Agbalẽ siawo dometɔ ɖeka enye "Amegbetɔa alo Agbezuge ƒe ŋuti nya".
Eʋenyigba de lolo ge abe Asãte kple Dahome, siwo le eƒe goawo kple eve dzi, ene. Ke Eʋeawo katã meƒo ƒu ɖekae wɔ fiaɖuƒe gã abe woamawo ene kpɔ o .
Togbɔ be ɖekawɔwɔ blibo mele wo dome o hã la, fiaɖufe gã eve mawo dometɔ aɖeke meɖu wo dzi kpɔ o, ke boŋ Eʋeawo nɔ wo ɖokui si, vaseɖe esime yevunya va .
Ablɔɖegbeɖiɖi adre ye le Eʋegbe me.
Ablɔɖegbeɖiɖi | A a | E e | Ɛ ɛ | I i | O o | Ɔ ɔ | U u |
---|
ŋɔŋlɔdzesi blaetɔ̃ ye le Eʋegbe me.
A a | B b | D d | Ɖ ɖ | E e | Ɛ ɛ | F f | Ƒ ƒ | G g | Ɣ ɣ |
H h | X x | I i | K k | L l | M m | N n | Ŋ ŋ | O o | Ɔ ɔ |
P p | R r | S s | T t | U u | V v | Ʋ ʋ | W w | Y y | Z z |
Germaniatɔwoe dze Ʋegbe ŋɔŋlɔ gɔme. Wozã ŋɔŋlɔdzesi si woyɔna le Aŋlesigbe me be African Reference alphabet kpakple Latin alfabet la kpakple dzesi ʋeaɖewo kpe ɖe eŋu tso International Phonetic Alphabet la me.
A a | B b | D d | Ɖ ɖ || Dz dz || E e || Ɛ ɛ || F f || Ƒ ƒ || G g || Gb gb || Ɣ ɣ | |||||||
---|---|---|---|---|---|---|---|---|---|---|
/a/ || /b/ || /d/ || /ɖ/ || /ʣ/ || /e/ || /ɛ/ || /f/ || /ɸ/ || /ɡ/ || /ɡ͡b/ || /ɣ/ | ||||||||||
H h | I i | K k | Kp kp | L l | M m | N n | Ny ny | Ŋ ŋ | O o | Ɔ ɔ || P p |
/h/ || /i/ || /k/ || /k͡p/ || /l/ || /m/ || /n/ || /ɲ/ || /ŋ/ || /o/ || /ɔ/ || /p/ | ||||||||||
R r | S s | T t | Ts ts | U u | V v | Ʋ ʋ || W w || X x || Y y || Z z | ||||
/l/ || /s/ || /t/ || /ʦ/ || /u/ || /v/ || /β/ || /w/ || /x/ || /j/ || /z/ |
Wotsɔ dzesi sia ( ˜ ) fia be wogblɔna alfabet la le ŋɔtimegbe me.
Dzesi bubuwo fiana be ele be na bɔbɔ gbe alo na kɔ wo gbe ɖe dzi.
ekpɔ wò [ɛ́k͡pɔ̀ wò]
ekpɔ wo [ɛ́k͡pɔ̀ wó]
míawo [miawó]
miawo [miawó]
Eʋegbe enye gbe si wo gblɔna le Gana kple Togo dukɔwo me sia.
Agbalẽ siawo le Eŋlisigbe- kple Dzamagbe me.
This article uses material from the Wikipedia Eʋegbe article Eʋegbe, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Eʋegbe (DUHOCTRUNGQUOC.VN) is an independent company and has no affiliation with Wiki Foundation.