އެސްޕީއެސް ސްޕެޝަލް ޕްރޮޓަކްޝަން ސަރވިސް
ސްޕެޝަލް ޕްރޮޓަކްޝަން ސަރވިސް (އެސްޕީއެސް)ގައި ހިމެނެނީ 2 ޔުނިޓެވެ.
އެއީ ޕްރެޒިޑެންޝަލް ގާޑު (ޕީޖީ) އާއި ސްޕެޝަލް ޕްރޮޓަކްޝަން ގުރޫޕް (އެސްޕީޖީ) އެވެ.
އެސްޕީއެސްގެ ތާރީޚު
އެސްޕީއެސްގެ ތާރީޚު ގުޅިފައިވަނީ 1988 ނޮވެންބަރު ތިނެއްގެ ޢުދުވާނީ ހަމަލާއާ ގުޅިގެން ރައީސުލްޖުމްހޫރިއްޔާއާއި އެމަނިކުފާނުގެ ޢާއިލާގެ ބޭފުޅުންގެ ސެކިއުރިޓީގެ އެންމެހައި ކަންތައްތައް ބެލެހެއްޓުމަށް ސިފައިންގެ ތެރެއިން ވަކި ޓީމެއް ނަގައިގެން އެކަމަށް ޚާއްޞަކޮށްގެން މަސައްކަތް ކުރަްން ފެށި ދުވަހާއެވެ. އެއީ 16 ނޮވެންބަރު 1988 އެވެ. މި ޓީމު ނެގުނީ އޭރު ތިބި ސިފައިންގެ ތެރެއިން ހަދާފައިވާ ތަމްރީނާއި އަޚްލާޤަށް ބަލައި ރައީސުލްޖުމްހޫރިއްޔާއާއި އެމަނިކުފާނު އާއިލާގެ ސެކިއުރިޓީ ބެލެހެއްޓުމަށް އެންމެ އެކަށޭނަ މީހުން ކަމަށް ފެންނަ މީހުންނެވެ.
އެންމެ ފުރަތަމަ މި ޓީމަށް ކިޔުނު ނަމަކީ ރައީސުލްޖުމްހޫރިއްޔާގެ ސެކިއުރިޓީ ފޯސްއެވެ. ހަމަ އެ ދުވަސްވަރު ޕްރެޒިޑެންޓަލް ސެކިއުޓީ ގާޑު ފަދަ ނަންނަން ވެސް ކިޔަމުން ގެންގޮސްފައިވެއެވެ. މި ފޯހަށް ރަސްމީ ގޮތުން ޑެލްޓާ ފޯހުގެ ނަން ދެއްވައި ޔުނިޓެއްގެ ގޮތުގައި ހިންގަންފެށީ 06 މޭ 1990ގައެވެ. ޑެލްޓާ ފޯހުގެ ނަން ސްޕެޝަލް ޕްރޮޓަކްޝަން ގްރޫޕް (އެސްޕީޖީ) ގެ ނަމަށް ބަދަލުކުރެއްވީ 16 ނޮވެންބަރު 1995ގައެވެ.
This article uses material from the Wikipedia ދިވެހިބަސް article ސްޕެޝަލް ޕްރޮޓަކްޝަން ސަރވިސް (އެސްޕީއެސް), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ދިވެހިބަސް (DUHOCTRUNGQUOC.VN) is an independent company and has no affiliation with Wiki Foundation.