तामाकोशी नदी
तामाकोशी नदी मध्यपूर्व नेपाल ऐ यक प्रमुख नदी हो। तामाकोशी नदी सुनकोशी की सहायक नदी मात्तरी नहोइबर यो यक, शक्तिशाली प्रमुख नदी हो जो भोटेकोशी है दुई गुना ठुली छ। तामा कोशी नदी भौति हिमनदी रे हिम शिखर पगलीबर तिब्बत बठेइ बग्द शुरू अरन्छे। तामा कोशीयो शाब्दिक अनुवाद तमा इ नदी भण्ण्या हुन्छ। येइ नदीलाई दुख ऐ नदीया नाउँले लै जाण्णाआन। राजा रनबहादुर शाहका पाला मी ठेउला ई महामारी फैलिया हुनाले तन अस्क्वारीइन लाई काठमाडौँ बठेइ निकालीबर तामाकोशीया किनार मी पठायिया रे तसै क्रम मी तन धपायिया नेवार समुदायका नन्दिनाअन तै रोगले मर्याआ हुनाले उनअन ले अर्याआ विलौनालाई सितलामाजु नाम दियियाआथ्यो जैले उनराअन ऐ असजी यात्रा रे दुःख वर्णन अरन्छ। गौरीशङ्कर हिमाल ऐ हिमनदीले छोरोल्पा ताल बनिरैछे जैबठेइ यो नदी उत्पन्न भयी हो। यै नदीया पानी ई गति भौत उच्च छ। येइ नदीया पानीया बहाबलाई ग्रेड ४-६ दियीरैछ। तामाकोशी नदी सप्तकोशी नदीया सात मध्ये यक सहायक नदी हो। भौति उच्चो बहाब भयाआ कारणले येइको व्यवसायिक प्रयोग कठिन भया लै र्याफ्टिङ्ग रे क्याकिङ्ग खिलाइ येइ नदीयो प्रयोग हुनोइ आइरैछ। यो नदी दोलखा, रामेछाप, सिन्धुली होइबर बग्देइ नदी हो एवम् नेपाल ओ बहुप्रतिष्ठित माथिल्लो तामाकोशी जलविद्युत आयोजना ४५६ मेगावाट बिजुली लै इसै नदी बठेइ निकालीन्या होइरैछ जो अइल निर्माणाधीन छ।
| तामाकोशी (तामाकोशी) | |
| River | |
 नयाँपूल माइ तामाकोशी नदि | |
| Country | नेपाल |
|---|---|
| State | प्रदेश नं. ३ |
| Tributaries | |
| - left | रोल्वालिङ, खिम्ति खोला |
| - right | च्यादु खोला |
| City | मन्थलि |
| Source | रोङसार रे लाप्चि गाङ |
| - coordinates | 27°57′54″N 86°13′9″E / 27.96500°N 86.21917°E |
| Mouth | Confluence with Sun Kosi |
| - coordinates | 27°21′6″N 85°58′58″E / 27.35167°N 85.98278°E 85°58′58″E / 27.35167°N 85.98278°E |
| Length | 92 km (57 mi) |
This article needs additional citations for verification. (Learn how and when to remove this template message) |
सन्दर्भअन
This article uses material from the Wikipedia डोटेली article तामाकोशी नदी, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामाग्री CC BY-SA 4.0 अनुसार उपलब्ध छ, खुलायाकी अवस्थाका बाहेकका हकमी । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki डोटेली (DUHOCTRUNGQUOC.VN) is an independent company and has no affiliation with Wiki Foundation.