जिएस पौडेल
घनश्याम पौडेल (जनम: वि.सं.
२०४१ साल साउन ११, प्रख्यात नाउँ: जिएस पौडेल) यक नेपाली युवा साहित्यकार, गजलकार तथा आख्यानकार हुन। उन ले वि.सं. २०७४ बठे आफुनि साहित्यिक यात्रा शुरू गर्याऽ थ्यो। ऐल सम्म पौडेल ले विभिन्न गजल सङ्ग्रहअन लेखिसकिराइछन भँण्या उनरो पैलो उपन्यास एक सर्को माया वि.सं. २०७५ साल वैशाख २९ गते का दिन बुलबुल प्रकाशन बठेइ प्रकाशन गरियाः थ्यो।
| घनश्याम पौडेल | |
|---|---|
| जन्म | 26 July 1984 |
| वासस्थान |  , मालदिभ्स, माले |
| राष्ट्रियता |  नेपाली |
| शिक्षा | स्नातकोत्तर |
| पेशा | साहित्यका तथा आख्यानकार |
| कार्यकाल | वि.सं. २०७४-ऐल |
| चिनारीको कारण | एक सर्को माया |
| गृहनगर | गैंडाकोट नगरपालिका-१३ |
| धर्म | हिन्दु |
| जिवनसाथी | गङ्गा भट्टराई |
| सन्तान | २ (चेला) |
व्यक्तिगत जीवन
नेपाली भाषा का साहित्यकार तथा आख्यानकार जिएस पौडेल को जनम वि.सं. २०४१ साल साउन ११ गते का दिन नवलपरासी जिल्ला का गैंडाकोट नगरपालिका मी बा वेद प्रसाद पौडेल रे इजा विष्णुमाया पौडेल का पैल्ला सन्तान का रूप मी भयाको हो। पौडेल ले वि.सं. २०५६ साल मी गैंडाकोट का पितौंजी स्थित रत्न राज्य लक्ष्मी विद्यालय बठे प्रथम श्रेणि मी प्रवेशिका परीक्षा उत्तीर्ण अरिराइथ्यो रे उन ले वि.सं. २०६१ साल मी पोखरा माइ रयाऽ पृथ्वी नारायण क्याम्पस मी मानविकी विषय मी स्नातक अरिराइथ्यो। पौडेल ले वि.सं. २०७५ साल मी स्कटल्याण्ड स्थित युनिभर्सिटी अफ द् वेस्ट स्कटल्याण्ड बठेइ स्नातकोत्तर पुरा अरिराइथ्यो। पौडेल ले वि.सं. २०६४ साल बैसाक २४ गते गङ्गा भट्टराई सित ब्याऽ गर्याका थ्याः। उनराअन का दुइ चेला इभान पौडेल रे एरिक पौडेल छन।
साहित्यिक यात्रा
पौडेल ले प्रवेशिका परिक्षा सकाया पछा नेपाली साहित्य क्षेत्र मी कलम चलाउन शरू गर्याऽ हुन्। तसै बेला उन ले केयि गजलअन लेखिराइथ्यो यद्यपि तन गजलअन उन ले सार्वजनिक गर्या भन्या नाइथ्या। रोजगारी का शिलशिला मी उन वि.सं. २०६४ साल मी युएई का दुबई गया। दुबई मी कम छुट्टि रे समय का अभाव का कारण उन साहित्यिक क्षेत्र मी सक्रिय रूप मी नाइधेकिया। दुबई बठे स्थानान्तरण होइबर पौडेल वि.सं. २०७० साल मी माल्दिभ्स का माले शहर मी आया रे पुइ वाँ रन्ज्याँ केयि समय छुट्टी रे समय पायाऽ हुनाले पौडेल ले आँजि साहित्यिक क्षेत्र मी सक्रिय हुन्या मैका पायो। पौडेल ले फाट्टफुट्ट गजल रे कविताअन लेख्या लै उनरो पैलो कृति एक सर्को माया हो। पौडेल को पैलो कृति सार्वजनिक भया पछा उन नेपाली साहित्यिक क्षेत्रमी रे साहित्य प्रेमी बीच प्रख्यात बन्न पुग्या।
सन्दर्भअन
बाइल्ला सूत्रअन
| विकिमिडिया कमन्समैं जिएस पौडेल समन्धित मिडिया सामग्रीअन रह्याऽ छन् । |
This article uses material from the Wikipedia डोटेली article जिएस पौडेल, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामाग्री CC BY-SA 4.0 अनुसार उपलब्ध छ, खुलायाकी अवस्थाका बाहेकका हकमी । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki डोटेली (DUHOCTRUNGQUOC.VN) is an independent company and has no affiliation with Wiki Foundation.