अहमदाबाद

अहमदाबादओ नाउँ सुल्तान अहमद शाहका नाउँमी राखीया हो। सुल्तान अहमद शाहले येइ सहरओ स्थापना १४११ ईस्वीमी अर्या हुन। येइ सहरलाई भारतओ मेनचेस्टर पनि माणीँछ। वर्तमान समयमी, अहमदाबादलाई भारतआ गुजरात प्रान्तआ राजधानी हुनुका सङ्ङै येइलाई यक मुख्य औद्योगिक सहरआ रूपमाई जानीन्छ।

ऐतिहासिक रूपमी, भारतीय स्वतन्त्रता सङ्घर्षआ समयमी अहमदाबाद प्रमुख शिविर आधार रयाथ्यो। इसै सहरमी महात्मा गान्धीले साबरमती आश्रम लै स्थापना अर्यो रे स्‍वतन्त्रता सङ्घर्ष सित जोडियाका भौत आन्‍दोलनअनओ शुरुवात लै यायीँ भयाथ्यो। अहमदाबाद बुँणाईखिलाई लै भौत प्रसिद्ध छ। येइका सङ्ङै यो सहर व्यापार रे वाणिज्य केन्द्रआ रूपमी भौतै विकसित हुन्नाछ। अङ्ग्रेजी शासनआ अबधिमी,येइ ठौरलाई फौजी रूपमा प्रयोग अरीन्थ्यो। अहमदाबाद येइ प्रदेशओ सबैहै मुख्य सहर हो।

पश्चिम भारतमी रयाऽ यो सहर, समुद्रबठेइ १७४ फुटआ ऊचाईमी छ। सहरमी दुई ताल छन - कंकरिया रे वस्त्रापुर ताल. साबरमती नदी गर्मी मौसममी सूक्द्या कारण, नदीकी ठौर साप माटो रन्छ। बर्खाआ महिनाअन बाहेक सङताइ साल भरी गरमओ माहोल रन्छ। सबहै ज्यादा तापमान ४७ डिग्री सम्म पुगन्छ रे कम से कम ५ डिग्री जाणीका मैना पुगन्छ।