जलेवा नेपाल लगायत अष्ट्रेलिया महादेश तथा एसियाली मुलकमा पाइन्या यक प्रकारको चणो हो। यो चणो हिँउदको समयमी मौसम छल्न खिलाइ नेपालमी आउन्या अद्दछ। त्यसैले नेपाल खिलाइ जलेवा एक आगन्तुक चणो रूपमी लिन सकिन्छ।
माछा लाइ प्रमुख आहार बनाउन्या जलेवा करिब ८० बठेऊ १०० सेमी सम्मको हुने अद्दछ। बढी कालो रे खैरो हुने यो चणोले बगानमी गुँड बनाउने अद्दछ। विश्वमी जलेवा चणोका ३३ प्रजातिअन रयाः छन्।
खासगरी उत्तरी ध्रुव लाइ यो चणोको प्रमुख बासस्थानका रूपमी लिन सकिन्छ। यस्तै उत्तरी मुलुकहरू रुस, चीन, मङ्गोलियाका साथै युरोप, कोरिया तथा तिब्बती क्षेत्र लाइ लै यो चणोको प्रमुख बसोबासको क्षेत्रका रूपमी लिन सकिन्छ। त्यस पछा मौसम छल्नका निम्ति यो चणो नेपाल लगाएत अन्य देश तथा स्थानअनमी बसाइँसराइ अद्दछ।
जलेवा नेपाल माइ जाडो समयमी बसाइँ सरी आउने यक हिँउदे आगन्तुक चणो हो। यो चणो नेपालको जाजरकोट रे रुकुमको सिमानामी भौती मात्रा माइ भेटिन्नमन। पल्लो फेर जलेवाको गुँड तथा चल्ला जाजरकोट रे रुकुमको सिमानामी बग्ने भेरी नदीमी पत्ता लाग्या थ्यो। हिउँदयामको सुरुवातसङ्ङै बढ्दो जाडो छल्न नेपालका तल्लो हिमाली भेग, पहाड रे तराईका विभिन्न ताल, तलैया रे ठूला नदीमी बसाइँ सरी आउने यै चणोको प्रजनन नेपालमी पैल्लो फेर जाजरकोट जिल्लाको रग्दा रे रुकुम जिल्लाको गोतामकोट सीमामी बग्या भेरी नदी किनारमी फेला पारियाः थ्यो।।
नेपालमी नेपाल पन्छी संरक्षण सङ्घ रे जिल्ला पशुसेवा कार्यालय, जाजरकोटका पशु स्वास्थ्य प्राविधिक यक विशेष टोलीले जाजरकोटको उत्तरी बारेकोट क्षेत्रमी दुर्लभ गिद्ध रे चिरकालीजको बासस्थान अनुगमनका क्रममी जलेवाको बासस्थान फेला पारियाः थ्यो। समुद्र सतह बठेइ करिब यक हजार २५० मिटरमी अवस्थित उक्त स्थानमी जलेवाका आठ वटा गुँड भेटियाः थ्यो। नेपालमी भदौ मध्य बठेइ चैतसम्ममा धेकिने हिउँदे आगन्तुकका रुपमी चिनियाः यै पन्छीले नेपालमी सम्भवतः पैल्लो फेर गुँड बनाई चल्ला कोरलेकोे उक्त विशेष टोलीले निष्कर्ष निकाल्या थ्यो। विश्वमी पाइन्या ३३ प्रजातिका जलेवामध्ये नेपालमी दुई प्रजातिका जलेवा पाइन्नान।
विकिमिडिया कमन्समैं जलेवा समन्धित मिडिया सामग्रीअन रह्याऽ छन् । |
विकिप्रजाति माइ जलेवा सित सम्बन्धित जानकारि छन |
This article uses material from the Wikipedia डोटेली article जलेवा, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामाग्री CC BY-SA 4.0 अनुसार उपलब्ध छ, खुलायाकी अवस्थाका बाहेकका हकमी । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki डोटेली (DUHOCTRUNGQUOC.VN) is an independent company and has no affiliation with Wiki Foundation.