چٹا راہ (انگریزی:Milky Way) اس تارہ سمندر دا ناں اے جس چ ساڈی زمین ، سورج تے سورجی پربندھ آندے نیں ۔ رات نوں اسمان تے ایہ اک چٹے رنگ دے راہ وانگوں ننگی اکھ نال دسدا اے۔ سانوں ایہ اک پٹی وانگوں دسدا اے۔
1610 وچ گلیلیو نے ایہ دسیا جے ایہ انگنت تاریاں دا اک اکٹھ اے۔ 1920 دے دھاکے وچ امریکی تارہ گرو ایڈون ہبل نے ایہ وکھایا جے ایہ دوجے ہور کئی تارہ سمندراں وانگوں اک تارہ سمندر اے۔
چٹا راہ اک چکری تارہ سمندر اے جیدا قطر 100,000–120,000 چانن ورے اے جیدے وچ 200–400 ارب تارے نیں۔ ایدے وچ اینے ای پاندھی ہوسکدے نیں۔ ایہ تارہ سمندر پلیٹ وچ تارہ سمندر گڑھ توں 2/3 حصہے دا پینڈا باہر ول شکاری بانہ تے اے۔ ایھدے گڑھ وچ اک ڈنڈے وانگوں تارے نیں۔ ایہدا گڑھ وچ ساجیٹیریس اک تھاں اے جیہڑی وڈا کالا مؤرا ہوسکدی اے۔ پورے تارہ سمندر وچ تارے تے گیس اک دوڑ نال دوڑدے نیں۔ سورج والی تھاں تے ایہ چکر 20 کروڑ ورے لیندا اے۔ ایہ تارہ سمندر 552 توں 630 کلومیٹر/سکنٹ دی دوڑ نال دوڑدا اے۔ منن وچ ایہ 13.2 ارب پرانی اے۔ ایہدی تے کائنات دی عمر نیڑے تریڑے برابر اے۔ ایہ سپر کلسٹر ورگو دے لوکل گروپ وچ اے۔
وکیمیڈیا کامنز چ مورتاں: چٹا راہ |
This article uses material from the Wikipedia شاہ مکھی پنجابی (Shāhmukhī Pañjābī) article چٹا راہ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.