Nebuchadnesar Ii: Brenin Babilon
Roedd Nebuchodnesar II neu Nebuchadnezzar II (Cymraeg Beiblaidd: Nebuchodonosor ) (605 CC - 562 CC) yn frenin Babilon ym Mesopotamia (de Irac heddiw).
Mae'n gymeriad pwysig yn yr Hen Destament.
| Nebuchadnesar II | |
|---|---|
 | |
| Ganwyd | c. 642 CC  Uruk |
| Bu farw | c. 561 CC Babilon |
| Dinasyddiaeth | Neo-Babylonian Empire |
| Galwedigaeth | teyrn, arweinydd, brenin |
| Swydd | King of Babylon |
| Adnabyddus am | Gerddi Crog Babilon, Ishtar Gate |
| Tad | Nabopolassar |
| Priod | Amytis of Media |
| Plant | Amel-Marduk, Eanna-sharra-usur |
Yn ystod ei ryfel yn erbyn teyrnas Judaea cipiodd Nebuchodnesar ddinas Jeriwsalem a'i dinistrio yn 586 CC. Gorfodwyd nifer o'r trigolion i fudo i Fesopotamia. Mae'r Iddewon yn galw'r cyfnod a dreuliasant yno yr Alltudiaeth Fabilonaidd. Yn ôl traddodiad cludwyd Arch y Cyfamod i Fabilon ganddo.
Ymhlith y carcharorion oedd Daniel. Enillodd Daniel rym a dylanwad ym Mabilon trwy egluro ystyr breuddwyd a gafodd y brenin am ddelwedd aur â thraed o glai (Dan 2:32-3). Gyda thri Iddew arall, Shadrach, Meshach ac Abednego, gwrthododd Daniel addoli'r delwedd aur a greuwyd ar orchymyn y brenin a goroesodd brofedigaeth y Ffwrnas Tanllyd (Dan 3:19-30). Tro arall anwybyddodd Nebuchodnesar ddadansoddiad Daniel o freuddwyd am goeden a dorwyd i lawr i'w bôn gan angel, a oedd yn golygu y byddai'r brenin yn cael ei ddarostwng os nad edifarheuai. Flwyddyn yn ddiweddarach, ac yntau'n bostio am ei allu mawr, aeth Nebuchodnesar o'i gof. Aeth i grwydro yn yr anialwch gan fwyta gwair fel anifail gwyllt (Dan 4:33).
Roedd y gerddi crog enwog ym Mabilon a godwyd ar do palas y brenin, neu yn ei ymyl, yn un o Saith Rhyfeddod yr Hen Fyd.
Nebuchodnesar II yw'r cymeriad teitl yn opera Verdi Nabucco.
Dolenni allanol
- (Saesneg) Cyfieithiad o gyhoeddiad Porth Ishtar
- (Saesneg) Cyhoeddiad Porth Ishtar o gyfnod Nebuchodnesar
This article uses material from the Wikipedia Cymraeg article Nebuchadnesar II, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Rhoddir testun y dudalen ar gael ar delerau'r drwydded CC BY-SA 4.0, heblaw ei fod wedi nodi'n wahanol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Cymraeg (DUHOCTRUNGQUOC.VN) is an independent company and has no affiliation with Wiki Foundation.