Meddalwedd Mastodon: Gwasanaeth cyfryngau cymdeithasol cod agored am ddim

Mae ganddo nodweddion meicroblogio, a gynigir gan nifer fawr o nodau annibynnol, pob un â'i god ymddygiad ei hun, telerau gwasanaeth, polisi preifatrwydd, opsiynau preifatrwydd, a pholisïau cymedroli.

Mastodon

Enghraifft o'r canlynol	gwasanaeth gwe, meddalwedd am ddim, rhwydwaith cymdeithasol a rennir, meddalwedd gweinydd, cymuned arlein
Rhan o	Fediverse
Iaith	ieithoedd lluosog
Dyddiad cyhoeddi	5 Hydref 2016
Dechrau/Sefydlu	16 Mawrth 2016
Statws hawlfraint	dan hawlfraint
Gwladwriaeth	yr Almaen
Gwefan	https://joinmastodon.org/
Ffeiliau perthnasol ar Gomin Wicimedia

Mae pob defnyddiwr yn aelod o weinydd Mastodon penodol, sy'n gallu rhyngweithio fel rhwydwaith cymdeithasol ffederal, gan ganiatáu i ddefnyddwyr ar wahanol gweinyddion ryngweithio â'i gilydd. Bwriad hyn yw rhoi'r hyblygrwydd i ddefnyddwyr ddewis gweinydd yn ôl ei bolisïau, ond cadw mynediad at rwydwaith cymdeithasol ehangach. Mae Mastodon hefyd yn rhan o gasgliad llwyfannau'r Fediverse, sy'n rhannu protocolau i alluogi ddefnyddwyr Mastodon ryngweithio â defnyddwyr ar lwyfannau cydnaws, megis PeerTube a Friendica.

Mae Mastodon yn cael ei ariannu yn dorfol a nad yw'n cynnwys hysbysebion.

Mae masgot Mastodon yn anifail â boncyff, sy'n debyg i fastodon neu famoth. Weithiau, darlunir y masgot â thabled neu ffôn clyfar. Defnyddiwyd "toots" (neu "tŵts") yn y gorffennol i olygu negeseuon ar y gwasanaeth, ond defnyddir "postiadau" bellach. Crëwyd Mastodon gan Eugen Rochko a chyhoeddwyd y gwasanaeth ar Hacker News yn Hydref 2016.