Aziz Petrus Bazilikası
Aziz Petrus bazilikası (latince Basilica Sancti Petri; italyanca Basilica di San Pietro) - Vatikannıñ eñ büyük binası ve dünyanıñ eñ büyük Hristian kilsesi olğan bir Katolik bazilikasıdır.
Dünyanıñ en yüksek on kilsesinden biridir, Romanıñ dört patriarh bazilikasından biridir ve Katolik kilsesiniñ merasiml merkezidir. Bazilika qubbesi Romanıñ timsallerinden biridir. İnşaat 120 yıl sürdi — ilk taş papa II Yulius vaqtında 1506 senesi çeçek ayınıñ 18-inde atıldı ve 1626 senesi itafı papa VIII Urban tarafından yapıldı. Böylece, II Yulius tarafından başlatılğan inşaat, diger on doquz papanıñ idaresi devamında sürdi. Mabetniñ mimarları Donato Bramante, Rafael Santi, Baldazare Peruttsi, Antonio da Sangallo, Mikelancelo, Cakomo da Vinyola, Cakomo della Porta, Karlo Maderno, Lorentso Bernini ve digerleri kibi italyan sanatkâlar oldı.
This article uses material from the Wikipedia Qırımtatarca article Aziz Petrus bazilikası, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Başqası bildirilmese, malümat CC BY-SA 4.0 litsenziyasınen berile. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Qırımtatarca (DUHOCTRUNGQUOC.VN) is an independent company and has no affiliation with Wiki Foundation.