ڤیتینیا: یاریزانی تۆپی پێی پورتوگالیە

لە سیستەمی لاوانی پۆرتۆوە ھاتووە، ڤیتینیا لە کاتی خۆیدا لەگەڵ تیمی دووەمی یانەکە ئاستی سەرنجڕاکێش بوو پێش ئەوەی بەرزبکرێتەوە بۆ پێکھاتەی یەکەم لە ساڵی ٢٠٢٠، ھەردوو نازناوە ناوخۆیییەکەی خولی پۆرتوگالی و جامی پۆرتوگالی بردەوە لە یەکەم وەرزیدا. لە ئەیلولی ٢٠٢٠ بە خواستن درا بە یانەی پرێمیەرلیگ وۆڵڤەرھاپتۆن واندەرس، پێش ئەوەی لە وەرزی داھاتوودا بگەڕێتەوە. ئەو خۆی وەک یاریزانێکی سەرەکی بۆ پۆرتۆ سەلماند و بۆ دووەم جار ھەردوو نازناوی ناوخۆیی بردەوە، کە ناوی لە باشترین پێکھاتەی خولەکە ھەبوو و بە باشترین یاریزانی لاوی ساڵ ھەڵبژێردرا. لە حوزەیرانی ٢٠٢٢، گواسترایەوە بۆ پاریس سان-جێرمان بە بڕی ٤١٫٥ ملیۆن یۆرۆ.

ڤیتینیا یاریزانێکی پێشووی لاوانی پورتوگالە، نوێنەرایەتی وڵاتەکەی کردوو لە ئاستە جیاوازەکانی لاواندا، بەشێک بووە لە تیپەکانی خوار ١٩ و خوار ٢١ ساڵان کە دووەم بوون لە ھەردوو جامی ئەورووپای خوار ١٩ ساڵانی ٢٠١٩ و ٢٠٢١ بە دوای یەکدا، لە ساڵی ٢٠٢٢ یەکەمین یاری نێودەوڵەتی بۆ ئاستی یەکەم ئەنجامدا.

پۆرتۆ

٢٠١٩–٢٠: سەرەتای کاروانی یاریکردن

ڤیتینیا لە شاری فارۆ لەدایکبووە، شارێکی پورتوگالییە لە ھەرێمی ئالگارڤ، لە باشووری خاکی پورتوگال، و لە شاری ڤیا داس ئەیڤس گەورە بووە، لە باکووری وڵات گەورە بووە.

ڤیتینا لە ساڵی ٢٠٠٧ دەستی بە یاری تۆپی پێ کرد لە پۆڤوا دی لانھۆسۆ پێش ئەوەی دوو ساڵ دواتر و لە تەمەنی ١١ ساڵیدا بچێتە نێو ڕیزەکانی لاوانی ئێف سی پۆرتۆ. لە ١١ی ئابی ٢٠١٩ یەکەمین یاری خۆی بۆ تیمی دووەم ئەنجامدا لە یارییەکدا بەرامبەر سپۆرتینگ دا کۆڤیلا. ئەو ھەروەھا بەشێک بوو لە پێکھاتەی پۆرتۆ کە بووە براوەی خولی لاوانی ئەورووپا لە وەرزی ٢٠١٨–١٩.

لە ٢٨ی کانوونی دووەمی ٢٠٢٠، ڤیتینیا یەکەم یاری خۆی بۆ پێکھاتەی یەکەم ئەنجامدا، وەک یەدەگ لە جێگەی ویڵسن مانافا لە خولەکی ٦١ لە یارییەکدا بەرامبەر جیل ڤیسێنتێ. ئەو بە گشتی ھەشت یاری ئەنجامدا و یانەکە نازناوی خولەکەیان بردەوە.

٢٠٢١–٢٢: خواستن بۆ وۆڵڤس

لە ٩ی ئەیلوولی ٢٠٢٠، ڤیتینا بە خواستن بۆ وەرزێک گوازرایەوە بۆ یانەی ئنگلیزی پرێمیەرلیگ وۆڵڤەرھاپتۆن واندەرس یانەکە بژاردەی ئەوەی ھەبوو کە خواستنەکە بکات بە ھەمیشەیی لە کۆتایی وەرزدا بە بڕی ٢٠ ملیۆن یۆرۆ، چونکە پۆرتۆ ناچار کرا بیدات بە خواستن بەھۆی یاساکانی دادپەروەری دارایی یەکێتی ئەورووپا. لە ١٤ی ئەیلوول یەکەمین یاری خۆی لە دەرەوەی یاریگا بەرامبەر شێفیڵد یونایتد ئەنجامدا وەک یەدەگ لە نیوەی دووەم، و یەکەم یاری بە شێوەی سەرەکی سێ ڕۆژ دواتر لە دۆڕاندنیان لە جامی ئی ئێف ئێڵ لە یاریگای خۆیان بەرامبەر ستۆک سیتی ئەنجامدا.

ڤیتینیا لە ٢٩ی کانوونی یەکەمی ٢٠٢٠ یەکەمین یاری خۆی لە پرێمییەر لیگ ئەنجامدا لە دەرەوەی یاریگای خۆیان بەرامبەر یانەی مانچستەر یونایتد، یارییەک کە وۆڵڤس ئاستێکی بەرزی پێکەش کرد و بەھۆی یەک گۆڵ لە کاتی زیادکراودا دۆڕا. لە ٢٢ی کانوونی دووەمدا، یەکەم گۆڵی بۆ یانەکە تۆمارکرد بە لێدانێک لە دوری ٣٥ مەتر لە بردنەوەی ١–٠ بەسەر یانەی چۆرلی لە قۆناغی چوارەمی جامی ئێف ئەی. لە کۆتایی وەرزەکەدا، یانەکە ڕەتی کردەوە بژاردەی کڕینی یاریزانەکە کار پێبکات.

٢٠٢١–٢٢: گەڕاندنەوە و بردنەوەی نازناوەکانی ناوخۆیی

ڤیتینیا وەرزی ٢٠٢١–٢٢ لەسەر کورسی یەدەگ دەست پێکرد، بەڵام دوای ئاستێکی سەرنجڕاکێش لە جامی ئەورووپی خوار ٢١ ساڵی ٢٠٢١، دەستی کرد بە دۆزینەوەی ھەلی زیاتر و زیاتر تا وەک یاریزانێکی سەرەکی یاریبکات، یەکەم گۆڵی بۆ یانەکە تۆمارکرد لە بردنەوەی ٣–٠ بەرامبەر پۆرتیمۆنێس لە ٣ی کانوونی یەکەم. دوای ئەوەی سێرجیۆ ئۆلیڤێرا گواسترایەوە بۆ یانەی ڕۆما لە کانوونی دووەمی ٢٠٢٢، ڤیتینیا زیاتر جێگای خۆی وەک یاریزانێکی سەرەکی بەھێز کرد، کە ئەمەش ڕاھێنەری پۆرتۆ سێرجیۆ چۆنسێچاوی سەرسام کرد، بە ئاستەکانی بەبێ تۆپ و فشارەکانی، بە یاریزانی مانگ و ناوەندی مانگ ھەڵبژێردرا بۆ دوو مانگ لەسەر یەک لە کانوونی یەکەم و کانوونی دووەم.

بەشداری کرد لە ٤٧ یاری، گۆڵێکی تۆمار کرد لە یاری کۆتایی جامی ناوخۆیی پۆرتوگال بەرامبەر تۆندێلا کە ٣–١ بردیانەوە، بۆ یارمەتیدانی پۆرتۆ بە بردنەوەی ھەردوو نازناوی ناوخۆیی خولی نایابی پۆرتوگلا و جامی پۆرتوگال، لەکاتێکدا لە باشترین پێکھاتەی ساڵی خولەکە دانرا و بە باشترین یاریزانی لاوی ساڵەکە ھەڵبژێردرا.

پاریس سان-جێرمان

لە ٣٠ی حوزەیرانی ٢٠٢٢، ڤیتینیا گرێبەستێکی بۆ ماوەی پێنج ساڵ لەگەڵ یانەی پاریس سان-جێرمان (PSG)ی خولی پلە یەکی فەڕەنسی (لیگ١) واژوو کرد، بە بڕی ٤١٫٥ ملیۆن یۆرۆ، دوای ئەوەی پاریس کڕینەوەی گرێبەستەکەی کارا کرد.

لاوان

دوای ئەوەی لە ئاستەکانی لاواندا یاریکرد بۆ پورتوگال، ڤیتینیا بە کاپتن بۆ تیمی خوار ١٩ ساڵی لە جامی ئەورووپی خوار ١٩ ساڵی ٢٠١٩ لە ئەرمینیا دەستنیشان کرا، لە ھەموو پێنج یارییەکەدا بەشدار بوو، دوو گۆڵی تۆمارکرد و یەک ئەسیستی کرد کە تێیدا ھەڵبژاردەکەی پلەی دووەمی بەدەستھێنا و بە ئیسپانیا دۆڕا.

ڤیتینیا لە تیمی خوار ٢١ ساڵی بۆ جامی ئەورووپی خوار ٢١ ساڵی ٢٠٢١ ی UEFA پاڵێوراوە. ئەو بۆ تیمی تۆپی پێ ناونرا کاتێک پورتوگال وەک دووھەمین یاری کۆتایی ھات دوای ئەوەی لە یاری کۆتایی ١١ی بردەوە بەرامبەر ئەڵمانیا، لە ٦ی حوزەیرانی ٢٠٢١.

پێکھاتەی یەکەم

لە ٢١ی ئازاری ٢٠٢٢، ڤیتینیا یەکەم بانگھێشتی خۆی بۆ پێکھاتەی یەکەم پێگەیشت بۆ یارییەکانی پاڵاوتنی جامی جیھانی ٢٠٢٢ وەک جێگرەوەی ڕوبێن نیڤس کە تووشی پێکان ھاتبوو دوای ھەشت ڕۆژ لە یاریگای خۆی، یەکەمین یاری خۆی بۆ پێکھاتەی نیشتیمانی ئەنجامدا، لە جێگەی خواو مۆتینۆ بوو لە کاتی زیادکراودا لە بردنەوەی ٢–٠ بەرامەر مەقدۆنیای باکوور لە یاری کۆتایی پاڵاوتنەکاندا

باوکی ڤیتینیا ڤیتۆر مانوێل بوو، یاریزانێکی پیشەگەری پێشووی تۆپی پێ بوو کە وەک یاریزانی ناوەڕاست یاری بۆ چەندین یانە کردووە لەناویاندا یانەی وڵاتەکەی خۆی کلەب دیسپۆرتیڤۆ داس ئاڤێس بۆ چەندین ساڵ و فارێنسێی فارۆ لە ١٩٩٩ بۆ ٢٠٠١.

یانە

ھەتا ١٣ ئابی ٢٠٢٢

نێودەوڵەتی

ھەتا ١٢ حوزەیرانی ٢٠٢٢

لاوانی پۆرتۆ

• خولی لاوانی ئەورووپا: ٢٠١٨–١٩

پۆرتۆ

• خولی پلە یەکی پۆرتوگالی:٢٠١٩–٢٠، ٢٠٢١–٢٢
• جامی پورتوگال: ٢٠١٩–٢٠، ٢٠٢١–٢٢

پاریس سان-جێرمان

• سوپەری فەڕەنسی: 2022

تاکەکەسی

• باشترین یاریزانی لاوی خولی پورتوگال: ٢٠٢١–٢٢
• یاریزانی مانگ: کانوونی یەکەمی ٢٠٢١، کانوونی دووەمی ٢٠٢٢
• یاریزانی ناوەندی مانگ: کانوونی یەکەمی ٢٠٢١، کانوونی دووەمی ٢٠٢٢، ئازاری ٢٠٢٢
• باشترین پێکھاتەی ساڵی خولی پورتوگالی: ٢٠٢١–٢٢
• باشترین یاریزانی دەرکەوتووی پاڵەوانێتی تولۆن: ٢٠١٩
• تۆپی پێی تۆلۆن باشترین پێکھاتە: ٢٠١٩
• باشترین پێکھاتەی پاڵەوانێتی ئەورووپا بۆ خوار ٢١ ساڵان: ٢٠٢١

•  دەروازەی ژیاننامە
•  دەروازەی وەرزش
•  دەروازەی تۆپی پێ