پێڕاگوێز: ئامێرێکی گەڕۆک کە مرۆڤ، ئاژەڵ یان بار دەگوازێتەوە

نموونە ئاسایییەکانی بریتین لە واگۆن، دووچەرخە، ئۆتۆمۆبیل، بارکێش، باس، شەمەندەفەر، کەشتی، فڕۆکە و ھتد.

پێڕاگوێزەکان ھێزی پێویست بۆ بەرەوپێشەوەچوونیان لە یەکێ لەم سەرچاوانەوە بە دەست دێنن:

• ماسوولکەکانی مرۆڤ، وەک دووچەرخە و سکەیتبۆرد
• مۆتۆر، وەک ئۆتۆمۆبیل و کەشتی و فڕۆکە
• کارەبا، وەکوو زۆر قەتاری ناوشاری
• گیانەوەران، وەک گالیسکە و عەرەبانە
• با، وەک بەلەم

 

زیاتر لە یەک میلیارد دووچەرخە لە سەرانسەری دنیادا بەکار ئەھێنرێن. لە ٢٠٠٢دا، وا خەمڵی بۆ کرا کە لانی کەم ٥٩٠ میلیۆن ئۆتۆمۆبیل و ٢٠٥ میلیۆن مۆتۆرسایکڵ لە جیھاندا لە سووڕانەوەدا بن.

زۆرتر لە گشت مۆدێلەکانی تری ھەموو چەشنە پێگوێزەرەوەیەک، لانی کەم ٥٠٠ میلیۆن دووچەرخەی فڵایینگ پیجن (کۆتری ھەڵفڕیو) لە چیندا درووست کراوە. ھۆندای سووپەر کاب -یش کە لە ٢٠٠٨دا ٦٠ میلیۆن یەکەی تێپەڕاند، بە بەرھەمھێنراوترین پێگوێزەرەوەی مۆتۆری ئەژمێردرێ. لە ناو ئۆتۆمۆبیلەکانیشدا تۆیۆتا کۆرۆلا زۆرترین ژمارەی لێ بەرھەم ھێنراوە، واتە لانی کەم ٣٥ میلیۆن تا ساڵی ٢٠١٠.

•  دەروازەی پزیشکی