ТӀеман гӀуллакх — машаран а, тӀеман а заманахь пачхьалкхан герзан ницкъаш барца а, кечбарца а йоьзна гулъяран термин ю.
Цу терминан юкъадогӀу цаьрца доьзна теоретикан а, практикан а хаттарш. Иштта тӀеман гӀуллакх- иза мехкан бахархоша хила тарлучу тӀамна беш болу кечам бу.
Дешан готтачу маьӀнехь, тӀеман гӀуллакх — эскаран гӀуллакх дан дезачу а, эскаран декхар кхочушдан хьакъ болчарна а оьшуш йолу лерина хаарийн а, говзаллийн а система ю. И хаарш а, говзаллаш а караерзорхьама арме кхойкху нах а, эскаре бовла хан тӀе ца кхаьчна нах а тӀеман кечаман курсах чекхбовла а беза.
Цхьайолчу пачхьалкхашкахь (меттанашкахь) «тӀеман гӀуллакх» кхетам лелош бац. Цуьнан метта лелайо кхийолу терминаш, масала тӀеман Ӏилма а, тӀеман талламаш а, тӀеман исбаьхьалла а. Ткъа Оьрсийчоьнан тӀеман гӀуллакхехь цу терминийн шен маьӀна а, хӀоттам а бу.
ТӀеман гӀуллакхе юкъадогӀу рогӀера дакъош:
○эскарийн а белхан куьйгалла дар
○бахархой тӀом бан Ӏамор
■ юьхьанцара тӀеман кечам
■ резервисташ кечбар а, уьш эскаре кхайкхор а (мобилизаци)
■ тӀеман доктрина
○тӀеман дуьхьало яран (оборонин) индустри
○ тӀеман исбаьхьаллин теори
■ тӀеман стратеги
■ оперативни исбаьхьалла
■ тактика (тӀеман кечамийн агӀонаш йовзар)
■ тӀеман-инженерийн исбаьхьалла
■ тӀеман-хӀордан исбаьхьалла
This article uses material from the Wikipedia Нохчийн article ТӀеман гӀуллакх, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Чулацам лело мега CC BY-SA 4.0 лицензица (кхениг билгалйина йацахь). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Нохчийн (DUHOCTRUNGQUOC.VN) is an independent company and has no affiliation with Wiki Foundation.