Bienvenidos a Wikipedia! Puedeque tu no conoce como usá Wiki Chavacano de Zamboanga.
No es muy dificil para aprende usa lo.
Na costao derecho arriba, hay un botón que ta deci: 'Buscar en Wikipedia'. Aki tu puede buscá un articulo. Si tu no encontra un articulo, puede creá un articulo nuevo.
Na maga todo articulo, na un costao, hay un botón que ta decí 'Revisa' o 'Editar código'. Simplemente, pichi este botón para editá. O, na tuyo teclado, pichi [alt+shift+v] o [alt+shift+e].
Acorda que cuando tu editá un articulo, este es para mejorá tal articulo o corectá el articulo. Hay maga articulo que ta es un 'stub', tu puede mejorá maga este articulos.
Tamen acorda que tu no debe copia de maga otro referencia exactamente como tal referencia ta decí.
Antes de creá un nuevo articulo aki na Wikipedia, primero tu debe buscá si tal articulo existe ya. Na costao derecho na Primero Pagina, busca si un articulo que tu quere creá para mira si existe ya. Si no existe tal articulo, tu puede creá lo. Tu ay mirá algo como este: Crear la página «(Nombre de pagina en colorao)» en este wiki. Pichi na tal nombre de pagina, que ay es en colorao, para creá lo.
Acorda, tu debe sacá buena información y maga referencia para creá un articulo bien. Añadi maga referencia y enlace externo na fin del articulo.
Na tuyo articulo, considera maga este cosas:
This article uses material from the Wikipedia Chavacano de Zamboanga article Ayuda:Ayuda, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contenido está disponible bajo la licencia CC BY-SA 4.0, salvo que se indique lo contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Chavacano de Zamboanga (DUHOCTRUNGQUOC.VN) is an independent company and has no affiliation with Wiki Foundation.