Wolfram von Eschenbach, bet ganet war-dro 1170 e Franken (Impalaeriezh santel roman german) ha marvet e-tro 1220, a oa ur marc'heg hag ur barzh alamanek eus dibenn an XIIvet kantved.
Gant an alamaneg-uhel-kozh e kenaozade e oberennoù. Barzhonegoù lourennek zo bet savet gantañ ivez (ur Minnesang a veze graet anezhoñ).
Buhez Wolfram hag a zo anavet a zeu ag ar menegoù en deus skrivet diwar e benn a-hed e oberennoù, pe gant burutelladennoù e gempredaded. Dre e anv e ouiomp e ta-eñ eus ul lec'h anvet Eschenbach. Hervez an damvenegoù skrivet gantañ en e oberenn Parzival e vefe Obereschenbach e gêr a-orin, nepell eus Ansbach (hiriv eo adanvet Wolframs-Eschenbach). En em ginnig a ra evel ur marc'heg eus Bavaria. Gouzout a reer e oa bet e meur a lez o roiñ e servijoù. Sur a-walc'h e oa e darampred gant Kont Wertheim hag al Landgrav (“Dug”) Hermann I Thüringen.
This article uses material from the Wikipedia Brezhoneg article Wolfram von Eschenbach, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.