Oblast Varna (bulgareg: Област Варна, Oblast Varna) a zo ur broviñs e Biz Bulgaria.
Unan eus 28 proviñs Bulgaria eo. Enni ez eus 12 rann (общини, obshtini, unander общинa, obshtina). Varna eo he c'hêrbenn.
Kêr-benn | Varna |
---|---|
Poblañs | 495,702 |
Gorread | 3,820 km² |
Stankter ar boblañs | 130 den/km² |
Kumuniezhoù | 12 |
Kod ar Broviñs evit ar plakennoù-marilh | B |
Gwerzhid-eur | EET (UTC+2; UTC+3 e-pad an hañv) |
Gouarnour | Petar Kandilarov |
Lec'hienn kenrouedad | http://www.vn.government.bg/ |
Emañ an oblast, pe ar broviñs, a-hed ar Mor Du. Ul lodenn eus plaenenn an Danav en em astenn enni.
An danvezioù naturel a zo rock salt, maen-raz, silik ha pri, dour melar ha gas naturel.
Kerreizh eo an hin gant goañvezhioù yen ha gleb ha hañvezhioù tomm ha sec'h. Tost da greizdouarad eo an hin war aod ar Mor Du gant goañvioù ha hañvioù soubloc'h.
495 702 annez zo (2007). 71% a zo o chom e Varna ha 81% en takadoù-kêr (keitad broadel : 70%).
Stankted ar boblañs a zo par da 130/km (keitad broadel : 70). Feurioù an euredoù, ar ganedigezhioù hag an torroù-dimeziñ a zo uheloc'h ivez. Ar feur mervel hag ar feur dilabour (7.34% e 2005) a zo izeloc'h.
Ar boblañs zo enni Bulgared—85.3%; Turked—8.1%; Romed—3.4% Armened—0.6%; Russed—0.3%, hag Ukrainied, Yuzevion, Gresianed, Tatared Krimea, Sirkasianed, Vlaked hag all. Bez'zo muioc'h-mui a dud eus broioù ar c'hôrnog ha Sina, India, ar bed arab, Afrika.
Bez'zo reizhkredennourion, muzulmaned (9,75%), strolladoù bihanoc'h protestanted, katoliked, yudevion, boudaiz.
Annnezet eo al lec'h abaoe Nevezoadvezh ar Maen.
Annezet eo bet war-lerc'h gant an Trakianed ha koñversañ a reont gant ar Gresianed. Er IVvet kantved e oa staget da impalaeriezh Fulup II a Makedonia hag Aleksandr Veur.
Aloubet eo bet gant an Impalaeriezh roman.
Slaved a erruas er VIvet kantved. Lodenn an Impalaeriezh otoman e teuas da vezañ e 1389.
E-pad ar bloavezhioù 1980 e oa kreiz emsav ar mab-den an Durked vulgarian a-enep kampagn gouarnamant komunour Todor Zhivkov da heñvelaat ouzho.
An eil proviñs evit postadurioù eeun estren eo. Izeloc'h eo he feur dilabour eget ar feur broadel.
Lec'hioù a bouez : porzh Varna, aerborzh Varna, porzh-houarn Varna, an daou gourhentoù broadel (Haemus ha Cherno More).
Greanterezh ha labour-douar (ed, frouezh, gwin) ha koadoù. Ur greizhenn desavadurel ha sevenadurel eo ar broviñs gant pemp skol-veur, ensavadurioù, mirdioù, ur vuhez arzel ha gouelioù etrebroadel.
Prizioù ar madoù diloc'h a zo o vont war-raok.
E-kichenn kêr Varna eo bet kavet bravigoù koshañ ar bed (4200 - 4600 kent JK).
Ur riviera eo ar c'horn ivez. Kalz kêrioù kouronkañ zo.
|
|
This article uses material from the Wikipedia Brezhoneg article Varna (Oblast), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.