1931-1944 Strollad Broadel Breizh

L'Heure Bretonne e oa kazetenn ar strollad. Roet eo bet lamm d'ar strollad goude Dieubidigezh Bro-C'hall e fin an Eil Brezel-bed, en abeg d'ar c'henlabourerezh gant an Trede Reich.

Strollad Broadel Breizh

strollad politikel

Deiziad krouiñ	1931
Prezidant	Frañsez Debauvais
Stad	Frañs
Ideologiezh politikel	broadelouriezh Breizh
Sez sokial	Roazhon
Deiziad divodadur	1944

Pouez politikel Strollad Broadel Breizh hag e wriziennadur er gevredigezh vrezhon a laka an tabut da sevel. Evit lod tud ne oa mann pe dost e bouez, padal e oa e oa ur pouez dreistordinal dezhañ evit lod all.

 

Un nebeud sifroù

• Olier Chevillote, hag a voe e-penn ar strollad gant Olier Mordrel ha Marsel Guieysse etre Gouere 1938 ha Gouere 1939, a voe war ar renk evit an dilennadegoù :
  • perzh a gemeras e dilennadegoù lec'hel evel hini kanton Lokournan e miz Kerzu 1931, ma tapas tremen 20% eus ar mouezhioù ;
  • e 1936 e voa war ar renk evit dilennadegoù an dilennidi e Montroulez, 3de e voe.
• L'Heure Bretonne, kazetenn bruderezh ar strollad, a voe embannet betek 25 000 skouerenn anezhi bep sizhun. Ret eo kemer e kont e oa unan eus ar c'hazetennoù nemeto aotreet gant an Alamaned e-pad mare dalc'hidigezh Breizh gant an Alamanted.

Traktoù

• Ni Allemands,

Ni Anglais,
Ni Français,
Bretons !
Rien de plus!

• "Breiz d'ar Vreiziz"

Livadurioù

 

Ingal e oa livet mogerioù Roazhon ha kêrioù bras Breizh gant izili an SBD.

Un nebeud fedoù

 

• Kevar e oa kevrenn ekonomikel Strollad Broadel Breizh, Yann-Vari Kerwerc'hez en he fenn. Kevar en doa ur burev e Pariz, lec'hiet 63 straed Vaugirard. Aozet e oa prezegennoù evel hini ar sal La Mutualité e Pariz.
• A-raok an Eil Brezel-bed e oa dija liammoù etre Strollad Broadel Breizh hag an Alamanted. Ma vefe bet dister pouez ar strollad ne vefe ket bet merzet, na kemeret e kont e steuñv an Europa nevez.

Ar Bagadoù Stourm a oa strollad emzifenn Strollad Broadel Breizh, Yann Goulet er penn anezhañ. Lod anezho evel Ange Péresse a guitaas anezhañ en ur heuliañ Célestin Lainé ha Marsel Guieysse war-du ar strollad stourm Bezen Perrot, ur strollad tud armet hag emezelet e servij an Trede Reich. Lod all avat a yeas war-du ar Rezistañs (strollad Liberté eus Sant-Nazer).

 

L'Heure Bretonne e oa kazetenn Strollad Broadel Breizh, adal miz Even 1940 betek miz Even 1944, da lavaret eo da vare dalc'hidigezh Breizh gant an Alamanted.

• Le nationalisme breton, aperçu doctrinal, 1932
• An Hevoud Kelc'h lizher Strollad Broadel Breizh
• Ar studier Brezon kelc'h lizher Kengevrad ar studierien broadelour Brezon, aozadur ar studierien d'ar Strollad Broadelour Breiz (1941)

• Georges Cadiou, L'hermine et la croix gammée : Le mouvement breton et la collaboration, Embannadur Apogée nevesaet 5 a viz Gwengolo 2006 (ISBN 2-914353-06-5)
• Henri Freville, Archives Secrètes de Bretagne 1940-1944, embannadur Ouest France, dastumadenn Histoire, 8 a viz Ebrel 2008 (ISBN 2737344530)
• Philippe Aziz, Histoire secrète de la gestapo française en Bretagne, 2 levrenn, Geneva, Embannadur Famot, 1975.
• Kristian Hamon, Les nationalistes Bretons sous l’occupation, Fouenant, Yoran Embanner, 2004, (ISBN 2-9521446-1-3)
• Alain Déniel, Le mouvement breton 1919-1945, François Maspéro, 1976.