El Pi de les Tres Branques (ar binenn he zri skourr e katalaneg) zo ur binenn-ouez 25 metr uhelder (Pinus sylvestris) nepell diouzh Berga e hanternoz Kumuniezh Emren Katalonia Evit brogarourien Katalonia ez eo un arouez eus unaniezh an teir bro gatalan (Katalonia, Bro València, Balearez).
Hag en-dro dezhi en em vod brogarourien d'an trede sul a viz Gouere bep bloaz..
Disec'het eo ar wezenn abaoe 1913 hag en ur stad fall emañ bremañ, met ur wezenn peuzheñvel ha kalz yaouankoc'h, nepell diouti, anvet Pi Jove de les Tres Branques ("ar binenn driskourrek yaouank"), he deus kemeret he lerc'h. Enskrivet eo an div wezenn-se war roll monumantoù naturel ar vro gant gouarnamant Katalonia, abaoe 1987.
Meur a wech eo bet taget ar wezenn gozh gant tud enebet ouzh brogarouriezh Katalonia. E 1939, goude Brezel diabarzh Spagn, e oa bet klasket diskar ar wezenn gant aduidi Franco, met argaset e oant bet gant tud ar vro. An dagadenn washañ zo c'hoarvezet e 2014, e-pad an noz etre an 12 hag an 13 a viz Mae, p'eo bet heskennet an hini vrasañ eus an daou gef a chome, gant tud dianav.
This article uses material from the Wikipedia Brezhoneg article Pi de les Tres Branques, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.