Nikolaz Mira

Sant Nikolaz a zegas amañ. Evit sterioù all Sant-Nikolaz, gwelet Sant-Nikolaz (disheñvelout).

---

Ur sant poblus eo, ha diwarnañ eo bet krouet an Tad Nedeleg.

Kempredad Sened-Meur kentan Nikaia e voe. Hervez an hengoun e saveteas o buhez da dri ofiser roman bet kondaonet e gaou d'ar marv gant an impalaer. Argouroù en deus roet ivez da veur a blac'h yaouank paour, a vije bet tonket d'an dizenor hep e skoazell. Ar burzhudour bras-mañ a vez kehelet a-unan gant an ilizoù reizhkredennek ha katolik. En XI^vet kantved eo e kreskas e vrud er C'hornôg, gant treuzdougenadur e relegoù da gêr Vari e kreisteiz Italia.

 

Meur a vez zo anavezet dezhañ, pa voe kaset e relegoù eus Azia da Europa.

A bep seurt mojennoù zo bet steuet diwar e benn. Darn a ra anv eus Sant Nikolaz o saveteiñ listri a oa o vont da goll war ur mor diroll, pe o sioulaat an avelioù, pe o sturiañ al lestr d'ar porzh.

Gouel

D'ar 6 a viz Kerzu emañ Gouel Nikolaz e meur a vro en hanternoz ha kreiz Europa, ha dreist-holl Belgia, Luksembourg, Loren, Elzas, an Izelvroioù (broioù eus an Impalaeriezh Santel), hag Alamagn dre vras, ha Suis, ma ro profoù d'ar vugale fur. Lidet e vez ivez en Akitania, Spagn hag Italia.

Sant paeron Loren ha Rusia eo, hag ivez hini Freiburg (Suis) hag ar skolidi.

•  
  Gouel Sant Nikolaz (Jan Steen)

• Er gontadenn Bertele, e Koñchennoù eus Bro ar Stêr Aon.

 

Muioc'h a restroù diwar-benn

Nikolaz Mira

a vo kavet e Wiki Commons.

• (en) Istor Sant Nikolaz
• (en) A-zivout bez sant Nikolaz