Mor Ionian
Ar Mor Ionian (Deti Jon, da lavarout eo hor mor-ni en albaneg, Ιόνιο Πέλαγος e gresianeg, Mare Ionio en italianeg) zo anezhañ ul lodenn eus ar Mor Kreizdouarel, er c'hreisteiz d'ar Mor Adria.
- Er c'huzh-heol dezhañ emañ kreisteiz Italia, gant Kalabria, Sikilia, ha ledenez Salento.
- Er sav-heol dezhañ emañ gevred Albania hag un niver bras a inizi eus Gres, en o zouez Korfou, Zante, Kefalonia, Itaka, ha Lefkas.
| Rann eus | Mor Kreizdouar  |
|---|---|
| Anv er yezh a orin | Ιόνιο Πέλαγος, Mare Ionio |
| Bro an diazad | Albania, Italia, Gres |
| Anvet diwar | Io |
| Stad | Gres, Italia, Albania |
| Daveennoù douaroniel | |
| A zo stok ouzh | Strofylia forest |
An holl inizi-se a vez graet an Inizi Ionian anezhe, gant inizi all evel enezeg ar Strofades, Sphagia, Schiza, Sapientza ha Kythira.
Ar mor zo anavezet evel unan eus ar re ma kren an douar dindane.
Listri-beajourien a vez o treizhañ etre Patras (e Bro-Hellaz) ha Brindisi pe Ancona, en Italia. Listri eus Pire a vez ivez.
Orin an anv
Hervez Aesc'hulos e teu an anv eus an doueez Io. Evit doare e oa bet anvet a-raok "mor Kronos ha Rea".
Hervez ur vojenn all e oa ur priñs Ionius hag a oa mab d'ar roue Adrias eus Illyria a roas e anv da Vro Adria.
Lavaret e vez ivez e oa Ionius mab da Dyrrhachus, eus kêr Dyrrhachium (gwechall Epidamnos) (hiziv Durrës). Pa voe Dyrrhachus o klask stourm ouzh e vreudeur e voe sikouret gant Herakles, met e-doug an emgann e voe lazhet mab ar roue gant an haroz meur, dre fazi. Taolet e voe korf ar priñs er mor, a voe anvet ar Mor Ionian diwar-se.
Lec'hioù en-dro d'ar Mor Ionian
Plegoù-mor, ha strizhoù-mor
- Pleg-mor Ambracia
- Pleg-mor Cyparissia
- Pleg-mor Laconian
- Pleg-mor Patras
- Pleg-mor Messenia
- Pleg-mor Taranto
- Strizhdouar Messina
This article uses material from the Wikipedia Brezhoneg article Mor Ionian, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.