Mervent Afrika (South West Africa e saozneg, Suidwes-Afrika en afrikaneg ha Südwestafrika en alamaneg), eo an anv ofisiel a oa gant Namibia a-raok 1990.
Adalek 1884 betek 1915 e oa hec'h anv Mervent Afrika Alaman (Deutsch-Südwestafrika, DSWA), un drevadenn eus an Impalaeriezh Alaman. Tapet e voe gant Suafrika (en anv Impalaeriezh Breizh-Veur) da-geñver ar Brezel-bed kentañ.
Goude ar brezel eo bet fiziet gant Kevredigezh ar Broadoù ar merañ eus ar vro-se e Suafrika, gant an anv Mervent Afrika.
Goude an eil brezel-bed e nac'has Suafrika treuzkas ar meradur-se d’ar Broadoù-Unanet.
E 1966 e tisklêrias Emvod-Meur ar Broadoù-Unanet n'he doa gwir ebet ken Suafrika da verañ ar vro, hag e 1971 e oa dilezenn dalc'h Suafrika warni. E 1968 e voe degemeret an anv Namibia gant ar Broadoù-Unanet.
A-benn ar fin, goude meur a dabut etre ar Broadoù-Unanet ha Suafrika, hag ur gouvrezel renet gant ar SWAPO, e teuas ar vro da vezañ ur vro dizalc'h e 1990, gant an anv Republik Namibia. Porzh Walvis Bay, un enklozenn, n'eo bet enframmet enni nemet e 1994.
This article uses material from the Wikipedia Brezhoneg article Mervent Afrika, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.