Malabo eo kêr-benn Ginea ar C'heheder.
Emañ war aod hanternoz enez Bioko (anvet gwechall enez Fernando Póo).
Savet e oa bet Malabo e 1827 gant Saozon, dindan an anv Port Clarence, evit degemer sklaved digabestret. An darn vrasañ anezho a yeas diwezhatoc’h da Sierra Leone, hogen re all a chomas war an enezenn hag o diskennidi hiziv, a reer anezho fernandinos, a gomz un doare kreoleg. E 1846 e tremenas an enez e dalc’h Spagn hag advadezet e voe ar gêr Santa Isabel. Pa zeuas Ginea ar C’heheder da vezañ ur stad dizalc’h e 1969, e voe lakaet Santa Isabel da gêr-benn d’ar vro nevez, e-lec’h Bata, ar gêr vrasañ war an douar-bras. E 1973 e voe advadezet adarre, gant ar prezidant Francisco Macías Nguema a felle dezhañ ober gant "gwir anvioù afrikanek", hag anvet e voe neuze Malabo.
Tireoul zo bet kavet er mor hag abaoe dibenn an XXvet kantved eo kresket buan poblañs kêr : e 2005 e oa 155 000 a dud o chom enni.
This article uses material from the Wikipedia Brezhoneg article Malabo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.