Holland
Ul lodenn eus an Izelvroioù eo Holland.
Evit implijoù all, gwelet Holland (disheñvelout).
Gwechall e oa ur gontelezh e-barzh an Impalaeriezh Santel Roman.
E dibenn ar XVIvet kantved ez eas Holland d'ober Republik ar Seizh Izelvro Unanet (pe ar Proviñsoù-Unanet) (1581-1795) a-gevret gant proviñsoù all tro-war-dro. Da vare an Dispac'h gall e voe ur rann eus ar Republik batav da gentañ, a-raok bezañ, etre 1806 ha 1810, ul lodenn eus Rouantelezh Holland en em astenne war an holl Izelvroioù a zo bremañ, war-bouez un tamm eus Zeeland.
Dont a ra an anv eus Holtland, da lavaret eo hout-land (« bro ar c'hoad », evel Houtland er Westhoek). Roet e voe an anv-se d'ur rannvro goadek e-kichen Leiden.
Aliezik, e meur a yezh, e reer gant Holland evit ober anv eus hollad an Izelvroioù, dre fazi, rak n'eo nemet ul lodenn anezho (en hevelep doare e c'heller kavout ar ger hollandeg implijet e-lec'h nederlandeg).
E div broviñs eo rannet Holland bremañ : Noord-Holland (Holland an hanternoz) ha Zuid-Holland (Holland ar c'hreisteiz). Eno emañ kêrioù pobletañ an Izelvroioù : Amsterdam, Den Haag ha Rotterdam, ar porzh bras.
 | Porched an Izelvroioù – Adkavit pennadoù ha rummadoù Wikipedia a denn d'an Izelvroioù. |
This article uses material from the Wikipedia Brezhoneg article Holland, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.