Holland isch e Geget im Nordweschte vo de Niderland.
Dä Artikel behandlet d Region Holland, wo en Tail vo Niderland isch. Zu anderne Bedütige lueg bi Holland (Begriffsklärung). |
Im dütsche Sprochruum, aber au i anderne Länder und sogär vo villne Niderländer sälber, werd Holland vilfach als Synonym fö de Staat Niderland brucht. Da goot bis is uusgehend 16. Johrhundert zrugg, wo d Provinz Holland i de Republik vo de Sibe Verainigte Provinze e starchi Stellig gha hät.
Im Weschte vo Holland isch d Nordsee, im Norde s Waatemeer und sini Insle, im Nordoschte isch s IJsselmeer, und im Süde und Südoschte sind anderi Provinze vo de Niderland. Z Holland sind d Grossstädt Den Haag, Rotterdam und Amsterdam. En Grosstail vo Holland lit bis zu 2 Meter under em Meeresspiegel.
Holland isch vom 10. bis is 16. Johrhundert e Grofschaft gsi, dänn isch es zu ainere vo de Sibe Verainigte Provinze worde und vo 1806 bis 1810 isch es e Königriich gsi. Sit 1840 isch es i d Provinz Nordholland und Südholland uftailt.
This article uses material from the Wikipedia Alemannisch article Holland, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.