Amsle ♂ (Turdus merula) ⓘ/?
Amsle | ||||||||||||
---|---|---|---|---|---|---|---|---|---|---|---|---|
Systematik | ||||||||||||
| ||||||||||||
Wüsseschaftlige Name | ||||||||||||
Turdus merula | ||||||||||||
Linnaeus, 1758 |
D Amsle (Turdus merula; alemanischi Näme) isch e verbraitete Singvogel, wo i Mitteleuropa dor s ganze Joor dore vorchunnt. I de Alpe lebt si bis zonere Hööchi vo 2400 müM.
D Mandli vo de Amsle sind ganz schwarz, hend aber e geele Schnabel und e fiine dünne geele Augering. D Wiibli sind bruu und weniger uuffälig. Denebet git s au Albino. Amsle wered 18 bis 29 cm grooss, hend e Spannwiiti vo 34 bis 38 cm und wöget 55 bis 75 Gramm.
D Amsle isch früener e Waldvogel gsii, wo nume im Winter mengisch i Sidlge aztreffe gsi isch. Ab de Mitti vom 19. Joorhundert het si afange au i de Sidligsnööchi brüete und isch hütt sogär i Städt z finde, wos gnueg Büsch und Strüücher het. Amsle brüetet i Büsch, uf Bömm und a gaignete Stele vo Hüser, wo gnueg Pflanze ume sind, wie Balkön. S Nest us Hälm striicht si mit Leem uus. De typischi Gsang vom Mandli isch scho im Februar z ghööre und di ersti Bruet cha scho im Märze sii. Amsle singet vor alem i de Dämmerig, aber au bi Rege, wenn de Himmel nöd ase hell isch. Debii suechet si sich en exponierti Stell uss, wie e Bommchroone oder e Tachfirst.
Amsle suechet uf em Bode underem Laub Regewörmer, Schnegge und Insekte. Si fresset aber au Beeri und Frücht.
This article uses material from the Wikipedia Alemannisch article Amsel, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.