Helsingborg
Helsingborg (distaget e svedeg) zo ur gêr hag ur gumun eus Sveden, e kontelezh Skania, poblet gant 95 444 a annezidi e 2008.
Emañ war ribl ar mor, er c'hornôg da strizh-mor Øresund, en e lec'h strishañ. Gant se ez eo al lec'h eus Sveden tostañ da Zanmark, ha kêr Helsingør a weler en tu all d'ar strizh-mor, 4 km er c'hornôg.
Unan eus kêrioù koshañ Skandinavia eo Helsingborg, pa oa bet savet ouzhpenn nav c'hantved zo, gant Daned. Savadurioù kozh e-leizh a c'haller gwelet enni, evel ilizoù mein pe tour Kärnan, ur c'hreñvlec'h eus ar Grennamzer en deus talvezet da zifenn kêr ha da gontrolliñ ar strizh-mor a-hed 600 vloaz. En XIXvet hag en XXvet kantved e oa kresket kalzik Helsingborg ha deuet eo da vezañ an eizhvet kêr vrasañ e Sveden.
This article uses material from the Wikipedia Brezhoneg article Helsingborg, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.