Giacomo Boncompagni
Giacomo Boncompagni, pe Jacopo Boncompagni (1548-1612), a oa un noblañs italian er XVIvet kantved, mab bastard d'ar pab Gregor XIII (Ugo Boncompagni).
Bez' e oa ivez Dug Sora, Aquino, Arce hag Arpino, ha markiz Vignola.
Troet e oa gant ar sonerezh, ar c'hoariva hag an echedoù. Mignon e oa da Pierluigi da Palestrina ha Vincenzo Ruffo.
E vuhez
Ganet e oa Giacomo Boncompagni e Bologna, mab e oa da Ugo Boncompagni ha d'e bried-kleiz Maddalena Fulchini eus Carpi. Deuet e oa e dad di evit mont da gemer perzh e Sened-Iliz Trento a oa bet dilec'hiet da Vologna.
Anzavet e voe gant e dad e miz Gouhere 1548 ha fiziet er Jezuisted da vezañ skoliet. Pa voe dilennet e dad da bab e 1572 ez eas Giacomo da Roma ha gantañ e voe anvet da vestr Castel Sant'Angelo. Goude e voe anvet da c'h-Gonfalonier arme ar pab, hag ez eas neuze da chom da Ancona ha goude da Ferrara, ma chomas betek 1574.
E 1576 e voe anvet gant e dad Gregor XIII da c'houarnour e Fermo. Er bloaz-se ivez e timezas da Costanza Sforza, eus Santa Fiora, a roas 14 bugel dezhañ. E 1581, a-gevret gant Latino Orsini, e voe karget da stourm ouzh al laeron e Stadoù an Iliz.
Pennadoù kar
- Dugelezh Sora
This article uses material from the Wikipedia Brezhoneg article Giacomo Boncompagni, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.